ამბროსი (კათოლიკოს-პატრიარქი)

ვიკიპედია ხასჷლაშე
გეგნორთი: ნავიგაცია, გორუა
ამბროს ხელაია

ამბროსი — რდჷ ედომუშამო საქორთუოშ კათალიკოს-პატრიარქი 1921-1927 წანეფს (ერიშკოჩობას ბესარიონ ხელაია). დებადჷ 1861 წანაშ 7 ეკენიას, მარტვილს, ღურუ 1927 წანაშ 28 მელახის, ქართის. რდჷ ქორთუ ოშურიელე დო ოჯარალუ მოღალე, მენცარი, ედომუშამო საქორთუოშ კათალიკოს-პატრიარქი დო მცხეთა-ქართიშ ეპისკოპოსი 1921-1927 წანეფს.

1885 წანას გათუ ქართიშ ოშურიელე სემინარია. 1887-1896 წანეფს პაპათ რდჷ სოჩის, უკული სოხუმს. აქტიურო ოლჷმუდუ ცარიზმიშ რუსიფიკატორულ დო შოვინისტურ პოლიტიკას აფხაზეთის. 1897 წანას ამბროსიქ ყაზანიშ ოშურიელე სემინარიაშა მიშელჷ. 1900 წანაშე ბერო მიდართჷ მონასტერშა. აკადემია გათუ 1901 წანას.

1901 წანაშე რდჷ ჭელიშიშ მონასტერიშ არქიმანდრიტი. 1904 წანაშე რდჷ ქართიშ სინოდიშ კანტორაშ მაკათური დო "ფერისცვალებაშ" მონასტერიშ აწმაჸვენჯი. რუსეთიშ მაართა რევოლუციაშ ბორჯის ლჷმენდჷ ქორთული მართლმადიდებლური ეკლესიაშ ავტოკეფალიაშ ეკონწყუალაშო, მუშ გეშათ 1905 წანას რუსეთშა გეგნახორეს. 1908 წანას ქიგიაბრალეს ეგზარქოს ნიკონიშ ჸვილუა. 1910 წანას გამართალეს, მარა ოდაბადეშა დორთაშ ნება ვემეჩეს. საქორთუოშა 1917 წანაშ მარაშნას დირთჷ. დიო რდჷ ჭყონდიდიშ, უკული აფხაზეთიშ დო სოხუმიშ მიტროპოლიტი, 1921 წანაშე ედომუშამო საქორთუოშ კათალიკოს-პატრიარქი დო მცხეთა-ქართიშ თარეპისკოპოსი.

ამბროს ირკვიენდჷ ქორთულ ისტორიულ ძეგლეფს. მუქ ძირჷ "მოქცევაჲ ქართლისაჲ" ჭელიშური ვარიანტი. აქტიურო ოხოლუდჷ ქორთუეფ შქას ჭარუა-კითხირიშ გჷმაფაჩალი ჯარალუაშ მუშობას.

ამბროსი აქტიურო უკჷნენდჷ ხუჯის საქორთუოშ დუდიშალაშ იდეას. 1922 წანას ოჭოფუ "ჩეკაქ" დო 1924 წანაშ ეკონიაშა მეტეხიშ ჯიხას რდჷ. ნთხორილი რე სიონიშ ოკათედრე ეკლესიას, ქართის.

ლიტერატურა[რედაქტირაფა]

  • ლომინაძე ბ., ქსე, ტ. 1, ხს. 354, ქართი, 1975
  • საქართველოს კათოლიკოს–პატრიარქები, რ. მეტრეველის რედაქციით, "ნეკერი", თბ., 2000