გერმანალეფი

გერმანულნინამი ოფირჩა ეევროპას

გერმანალეფი (ნემეცეფი, ლემეცეფი) - ინდოევროპული ნინეფიშ ფანიაშ ბუნაშ კათა (გერმანულო Deutsche), გერმანიაშ ჯინჯი მახორუეფი (გვალო 80,6 მილიონი). გვალო თელქიანას გერმანელეფიშ რიცხუ 90,0 მილიონს ოჭირინდუანს. არძაშე უდიდაში დიასპორეფი რე: ააშ-ს 5.1 მილიონი, კანადას 1.2 მილიონი, რუსონაშ ფედერაციას 843.000, ბრაზილიას 700.000, ყაზახეთის 958.000. გერმანალეფი ორხველჷნა ევროპეიდულ რასაშ ატლანტურ-ბალტიურ ჸას. გერმანული ეთნოსიშ ჯინჯი ჯვეშგერმანული ტომეფი რენა - ფრანკეფი, საქსეფი, ბავარეფი, ალემანეფი დო შხვა.

გერმანულნინამი ქიაჩი

გერმანულნინამ ქიაჩის ედომშამო, ვარ-და ნორთობურო იშენი აკადგინანს გეჸვენჯი ქიანეფი, ვარ-და ქიანეფიშ რეგიონეფი: ავსტრია, შვეიცარია, ლიხტენშტაინი, ბელგია, ლუქსემბურგი, ობჟათე ტიროლი.

ნინა დო ერუანობა

გერმანალი კათაშ ოდაბადური ნინა რე გერმანული. გერმანული ნინა ოდაბადური ნინა რე ავსტრიაშ, შვეიცარიაშ დო ლიხტენშტაინიშ მახორუეფშო, მარა თე კათეფი ოფიციალურო ვეკოროცხუნა გერმანალეფო. თიშენ, ნამდა გერმანიაშ ფედერაციულ რესპუბლიკაშ მენოღალობა ვა უღუნა.

გერმანალეფიშ ეთნოგენეზი

გერმანალეფიშ ეთნიკურ-კულტურული ართამობაშ იდეაქ XVIII-XIX ოშწანურეფს გორჩქინდ რელიგიურო, ეთნიკურო დო კულტურულო შხვადოშხვანერ გერმანიას, მარა ტერმინი გერმანალი („დოიჩი“) უმოსი ჯვეში რე.

გერმანალეფი ქირსიანულ რელიგიას მეთხოზნა( უმოსო რენა კათოლიკეფი დო პროტესტანტეფი).