დანტე ალიგიერი
დანტე ალიგიერი (იტალ. Dante Alighieri IPA ['dante aligi'ɛri]; დ. 1265, – ღ. 14, ვარა 13 ეკენია, 1321) — იტალიარი ჭარუ. პოეტი ფლორენციაშე. თიში თარი ნაწარმონეფი "კომედია" (უკულნეშის გიაძინუ̂ ეპითეტიქ "ღორონთიელი") ნამუთ ოირკოჩიეთ მიარზებაფუაფუ, მუჭოთ იტალიურ ნინაშა ქიმინელი უდიდაში ლიტერატურული ნახანდი დო თელქიანაშ ლიტერატურაშ შედევრი. იტალიურო თის შინანა მუჭოთ "უჟინაშ პოეტის" (იტალ. il Sommo Poeta).
[რედაქტირაფა] ბიოგრაფია
დანტე ალიგიერიშ დაბადებაშ ზუსტი თარიღი უჩინებუ რე, მორო 1265 წანას ვარაუდენა. თეს ავტობიოგრაფიული ინფორმაცია ხოლო რე აწათოლორაფალი. ეჭარილი La Vita Nuova-ს (1300 წანაშო დოჭარილ ფრაზას "წუნოფუტეშ გვერდი შარა მუსჷთ მუკმურთ", ფხვადუთ, ნამდა დანტე 35 წანერ ოკო რდჷკო, რახან შურდგუმაშ ბიბლიური ხანგინძარობა 70 წანა რე (ფსალმუნეფი, 89,10) დო თე მუწოსახაფათ შარალუა 1300 წანას ოკო ჸოფედუკო.
სამოთხეშ მუდგაზმარენი ვერსია ხოლო მითმიოწურუანს დანტეშ დაბადებაშ დღაშა დო შინანს, ნამდა თინაქ ნაჟირაშ შინით დებადუ̂ ანუ მესეფიშ 21-იშ დო მანგიშ 21-იშ შქას.
