ვიკიოწკარუე

ვიკიპედია ხასჷლაშე
გეგნორთი: ნავიგაცია, გორუა
პროექტიშ ლოგოტიპი

ვიკიოწკარუე (ინგლ. Wikimedia Commons, WikiCommons) — ოართე ცენტრალიზაფილი ოწკარუე რე დუდიშულო გოფაჩუონი სურათეფიშ, ხონარამი დინნაჭარეფიშ, ვიდეოკლიპეფიშ დო შხვა მულტიმედიური ფაილეფშო, ნამუეფჷთ გჷმორინაფილიე „ფონდი ვიკიმედიაშ“ პროექტეფიშ ხასჷლეფც. თენა ვიკიმედიაშ ხოლო ართი გეძინელი პროექტიე ვიკიპედიაშნერო, მარა თენა ოართე რესურსიე ვიკიმედიაშ არძო დალაფირი პროექტიშო ნინაშ უმკუჯინუო.

ვიკიოწკარუეს ეხარგილი ფაილეფქ შილებე გჷმორინაფილქ იჸუას, მუჭოთ აკანურო ეხარგილი ფაილეფი ვიკიმედიაშ სერვერს არძო შხვა პროექტის არძო ნინაშა, თინეფ შქას ვიკიპედიას, ვიკიწიგნებს, ვიკიწყუს დო ვიკისიახალეეფს; თინეფქ თაშნეშე შილებე გჷმოხარგილქ იჸუას საიტიშ გალეთ, რახან ოწკარუეშ ედომუშამი აკოდგინალუა ვარა ჯარალუობურ დომენსიე ვარა გოტებულიე დუდიშული ლიცეზიათ, GNU დუდიშული დოკუმენტაციაშ ლიცენზიაშ მანგურო.

ლიცენზირაფა[რედაქტირაფა]

არძო ფაილი ეხარგილი ვიკისაწყობის ოკო ორდას დუდიშული გოფაჩუაშო ნამდგარდია იურისდიქციათ. თე ფაილეფშა ვა შილებე თინეფიშ გჷმორინაფაშ აკოხურგუაშ პიჯალეფიშ მეჩამა. სამანგათ, ვიკიოწკარუეშა ვა შილებე თიშნერი ფაილეფიშ ეხარგუა, ნამუეფუშ გჷმორინაფა კომერციული ღანკეფშო ვარაფილიე. თაშნეშე ვადიშქუმალუაფუ ფაილეფი, ნამუეფჷთ იფაჩუ პიჯალეფით {{fairuse}} (ამერიკული კანონდვალირაფათ დოშქუმალირიე აკოხურგილი გჷმორინაფა ოავტორე ნებეფით თხილერი მოღეშ).

ფაილიშ ეხარგუაშ უკული უციო რე: ქჷგიაძინას თანგეფი ოავტორე ნებეფიშ სტატუსიშ გეშან. თე თანგი ლიცენზიაშენ გეძინელი ინფორმაციას ქახვილუ-და, თიმწკჷმა ქჷგუძინით თიში ეჭარუა ხოლო, სამანგათ, მუ რე გჷმოსახილი ფოტოსურათის, სო დო მუჟამც იჸუ გჷნოღალირქ დო თაშ. თაშნეშე ქჷგუძინით სურათიშ ოჭყაფუ წყუ, თინა ნამდგაინი შხვა ვებხასჷლაშე ქჷნგმოიღუნა-და.

რესურსეფი ინტერნეტის[რედაქტირაფა]