დღა-სერი

ვიკიპედია ხასჷლაშე
გეგნორთი: ნავიგაცია, გორუა

დღა-სერი, დიხაუჩაშ ღერზული რთაფაშ პერიოდი;ბორჯიშ ართ-ართი ჯინჯიერი ოზჷმალი ართური. გჷმირთუ მურიცხიერი დღა-სერი — აფუნც ბუნიობაშ ჭურჭულიშ მეხჷ დიხაუჩაშ რთაფაშ პერიოდი დო ბჟაშიერი დღა-სერი. მურიცხიერი დღა-სერიშ დოჭყაფუთ იკოროცხუაფუნიშ ბუნიობაშ ჭურჭულიშ ჟინი კულმინაციაშ მომენტი (კულმინაცია ცაშ რსხულიშ), ოდო ხანგინძარაფათ — თე ჭურჭულიშ ჟირი ალმავენჯური ჟინი კულმინაციაშ შქას ბორჯიშ შქაშონი. თიშ მეჯინათ, თახმი აფუნიშ ბუნიობაშ ჭურჭულც ქოძირუნა, დო ვარ ოშქარსჷნ (მაართა შვანც ითოლწონენც პრეცესიაშ დო ნუტაციაშ გოლინას, მაჟირას — ხვაბჟაშირი დღა-სერს (თახმი ბჟაში ჟირი ალმაჸვენჯური ჟინი კულმინაციაშ შქას ბორჯიშ შქაშონი), მუდგაშ დოჭყაფუთ იკოროცხუ თახმი ბჟაშ დისკოშ ცენტრიშ გიმენი კულმინაციაშ მომენტი — თახმი შქასერი, დო ოშქაშე ბჟაშიერი დღა-სერც (ოშქაშე ბჟაშ ანალოგიური კულმინაციეფიშ შქას ბორჯიშ შქაშონი; თიშ დოჭყაფუთ იკოროცხუ ოშქაშე ბჟაში გიმენი კულმინაციაშ მომენტი — ოშქაშე შქასერი). მურიცხიერი დო ოშქაშე ბჟაშიერი დღა-სერი ირთუ საათეფო (24 სთ), წუნეფო (1440 წნ) დო მერქეფო (86400 მრ). მურიცხიერი დღა-სერიშ ართური ( დღა-სერი, წუნი ვარა მერქა) ოშქაშე ბჟაშიერი დღა-სერიშ 0,9972696 ართურც ომანგჷ. თახმი დო ოშქაშე ბჟაშიერი დღა-სერეფიშ ხანგინძარობეფიშ შხვაობა წანაშ განწხანს ითირუ მაართა თინეფშეიანიშ თირონობაშ გეშა (ქოძირით ოშქაშე ბჟაშიერი ბორჯი). თე ხანგინძარობეფი ართიანშა მერსხილიე ბორჯიშ თინაფათ.

ლიტერატურა[რედაქტირაფა]

  • ქსე, ტ. 3, ხს. 663, ქთ., 1978 წანა