ვიკიპედია

ვიკიპედია ხასჷლაშე
გეგნორთი: ნავიგაცია, გორუა
ვიკიპედია
Wikipedia-logo-v2.svg
ვიკიპედიაშ დუდხასჷლა
მიოწურაფუ www.wikipedia.org
ნინა მიარენინამი
მინჯე ფონდი ვიკიმედია
საიტიშ ტიპი ენციკლოპედია
რეგისტრაცია ვა რე უციო
დჷმარსხუაფალი ჯიმი უეილსი
გოტებაშ თარიღი 2001 წანაშ 15 ღურთუთა
მოგება ვაკომერციული
სტატუსი მოქიმინჯე

ვიკიპედია (ინგლ. Wikipedia) — მიარენინამი, დუდიშული, ღილე ვიკი-ენციკლოპედია. ვიკიპედიაქ დირსხუ 2001 წანაშ 15 ღურთუთას, მუჭოთ ინგლისურნინამ პროექტიქ ონლაინ-ენციკლოპედიაშ, სოდეთ ნამუდგარდია ადამიერს შეულებჷ მიშეღას თირაფეფი დო გეძინეფინ. პროექტიშ ორგანიზატორი რე ამერიკული ფონდი ვიკიმედია.

პროექტიშ ღანკი რე ქჷდირსხუას რსული, უგილაკერზაფუ, ოავტორე ნებეფიშე დუდიშული ენციკლოპედიაქ მოსოფელიშ არძო ნინაშა. ვიკიპედიაქ ინტერნეტიშ მახვარებუეფ შქას პოპულარობა ქჷმიპალუ დო უკული, გორჩქინდჷ თიშ ვარიანტეფქ შხვა ნინეფშა, თინეფ შქას მარგალური ნინაშათ. თე ბორჯიშო მარგალურ ვიკიპედიას 4 ვითოშიშახ სტატია რე.

ინგლისურნინამ გჷნართი ამუდღარშო არძოშე დიდი რე დო იკათუანს სუმ მილიონშახ სტატიას. თის მოჸუნა: გერმანული დო ფრანგული ვიკიპედიეფი მილიონშე უმოსი სტატიათ, პოლონური, იტალიური, იაპონური, ესპანური, ჰოლანდიური, პორტუგალიური დო რუსული ვიკიპედიეფი გვერდი მილიონშე უმოსი სტატიათ. გვალო ვიკიპედია 283-შახ ნინაშა იხაზირუ.

პროექტიშ მაკათურეფი[რედაქტირაფა]

პროექტიშ დუდშეიანი ორგანიზატორეფი ორდეს ჯიმი უეილსი (Jimmy Wales), ფირმა Bomis-იშ ემაჸონაფალი დირექტორი დო ლარი სენგერი (Larry Sanger). მაართა 13 თუთაშ განწხანს კომპანია Bomis აფინანსენდჷ ლ. სენგერს ვიკიპედიაშ მაართა სტატიეფიშ დარსხუაფალო.

ვიკიპედიას ვა ჸუნს რედაქტორეფიშ ცენტრალიზაფირ აკოდგინალუა, ედომუშამ მოღე გჷთმიფშაფუ მაკათურეფიშ, ვიკიპედიარეფიშით. არძო თინეფშეიანს ნება უღჷ დოჭარას სტატია ნამუდგარდია თემაშა დო ქჷმშათინას შხვაშით უკვე ჭარილი სტატიან. უმოსი აქტიური ვიკიპედიარეფქ შილებე გჷნირთან ადმინისტრატორეფონ, მარა თე პოსტი თის უმოსი საღალეეფიშ თუდო გითმიორინუანს, ვინდარო მუდგარენი ნებეფს არზენდასჷნ.

მუშობურალეფი[რედაქტირაფა]

ვიკიპედიაშ სტატიეფიშ მუდანობა ექსპონენტურო ირდუ თიშ მუსხირენ თარნინამ გჷშაშქუმალას.

ვიკიპედია რსულაშო გამულენს თ.გ. „ვიკიშ“ პრინციპის. თენა შანენს, ნამუდა ნამუდგარდია მაკათურს შეულებჷ ნამუდგარდია სტატიაშ დუდიშული რედაქტირაფა დო თიში დინორეშ გოფაჩუა. თე შელებეფიშ გეშა რე ვიკიპედიაშ ართი გურგაჩამალი მუშობურალა: ოავტორე ნებეფიშ უღვენობა. „GNU-იშ ჯარალუობური ლიცენზიაშ“ მეჯინათ, მითინს ვა შეულებჷ მითხუას მუდგაიჸინი უფალება ვიკიპედიაშ მოღეეფშან.

ვიკიპედიაშ პროექტიშ კრიტიკაშ ართი უთარაში პუნქტი რე თინა, ნამუდა სტატიაშ რედაქტირაფა შეულებჷ ნამუდგარდია ადამიერს (თინეფ შქას ვაპროფესინალს!) დო მითინი ვა რე გამამინჯე ინფორმაციაშ მოთებულობაშე დო უჩილათუობაშენ. თეშ აწმარენჯი არგუმენტი რე არზი თიშ გეშა, ნამუდა ვიკიპედიაშ გჷმორინაფაშ დო თიშა თირაფეფიშ მიშაღალაშ ლექინალა ხეს უნწყუნს მოღეეფიშ ხარისხიშ დო აქტუალობაშ ეკინას.

წჷმორჩქინელი უგურკვიობეფქ დო ოდებელი მომენტეფქ სხუნილქ ოკო იჸუას ჯინჯიერ ტექსტიშ გალე, სპეციალურო თე ღანკიშო გჷმორთილ ხასჷლეფს, ნამუეფსჷთ ჯოხო სხუნუა.

წესეფი[რედაქტირაფა]

ვიკიპედიას ჭიჭე რე თინერი წესეფი, ნამუნეფიშ კონწარას თხილუა უციო ორდასჷნ, მარა რე მუსხირენი ჯინჯიერი პრინციპი:

  • უდუშქვაფუ რე თი ტექსტეფიშ დო გრაფიკული მოღეეფიშ პუბლიკაცია, ნამუნეფით თხილერი რე ოავტორე ნებეფით.
  • სტატიაშ ჭარუაშ დო რედაქტირაფაშ ბორჯის უციო რე უგილაკერზაფუობა, ნეიტრალური თოლწონუაშ ასქილიდაფა. თე პრინციპიშ მეჯინათ, სტატიაშ მეკონიშ მუკი-მუკი ჸოფილ არძო ოდებელ მეჯინალა თე სტატიასჷნე ოკო იძირედას.


დალაფირი პროექტეფი[რედაქტირაფა]

ფონდი ვიკიმედია, ვიკიპედიაშ ორგანიზატორი დო მინჯე კომპანია თაშნეშე ახორციელენს ინტერნეტის პუბლიკაციაშ შხვა დუდიშულ პროექტეფს:

  • Wikisource - დუდიშული ბიბლიოთეკა,
  • Wikibooks - უფასო ოხემანჯღვერეეფი,
  • Wiktionary - ლექსიკონი,
  • Wikiquote - ციტატეფიშ კათელი,
  • Wikiversity - ინტერნაციონალური უნივერსიტეტი, დისტანციური გურაფათ.

რესურსეფი ინტერნეტის[რედაქტირაფა]

Commons-logo.svg
ვიკიოწკარუეს? რე ხასჷლა თემაშენ: