ლიანა ისაკაძე

ვიკიპედია ხასჷლაშე
გეგნორთი: ნავიგაცია, გორუა

ლიანა ისაკაძე (დ. 2 მარაშინათუთა, 1946, ქართი), ქორთუ მევილიონე, საქორთუოშ სსრ ოკათე არტისტი (1974).

ბიოგრაფია[რედაქტირაფა]

მაართა დოჭყაფური მუსიკალური განათლება ეჭოფჷ ქართიშ ცენტრალურ მუსიკალურ სკოლას პროფესორ ლ. შიუკაშვილიშ ხემანჯღვერობათ. 1956 წანას(10 წანერი) რესპუბლიკაშ ფესტივალიშ ლაურეატო გჷნირთჷ (I პრემია), 1957 წანას მოლენკავკაციაშ მუსიკოს მასრულებერეფიშ I კონკურსის (მორჩილასაკიშ გეშა პრემიაქ ვახვადჷ), ოდო 1961 წანას - საკავშირო კონკურსიშ ლაურეატი (II პრემია). 1968 წანას გაათუ პ. ჩაიკოვსკიშ ჯოხონობაშ მოსკოვიშ კონსერვატორია (პროფ. დ. ოისტრახის კლასი). 1971 წანაშე მოსკოვიშ ფილარმონიაშ სოლისტიე. ისაკაძე მუსიკაშ მასრულებერეფიშ მიარე ოერეფოშქაშე კონკურსიშ ლაურეატიე (მარგარიტ ლონგიშ დო ჟაკ ტიბოშ ჯოხონობაშ, პარიზი, 1965, I პრემიაშ; ჩაიკოვსკიშ ჯოხონობაშ, მოსკოვი, 1970, III პრემია; სიბელიუსიშ ჯოხონობაშ, ჰელსინკი, 1970, I პრემია). 1965 წლანაშე გასტროლეფც მანჯუნც თანჯეფგალენიშ მიარე ქიანას. ისაკაძე ალმახანურობაშ ართ-ართი გჷმორჩქინელი მევიოლინე რე. თიში მეგამა გჷშმეგორუ არტისტიზმით, ტომბა მუსიკალურობათ, ვირტუოზულობათ. თიშ რეპერტუარციე კლასიკური დო ალმახანური მუსიკაშ საუჯგუშო მინუშეფი. ქორთული კომპოზოტორეფიშ თელი რანწკი ახალი ნაწარმებეფიშ (მაგ. ოთარ თაქთაქიშვილიშ ოვიოლინე კონცერტიშ) მაართა მასრულებერიე. გჷნოღალირიე ფინურ ხანტურულ ფილმის - „სიბელიუსის“ (1975). თიშ გეშა გჷნოღალირიე იაპონური დოკუმენტური ფილმი (1974). ზაქარია ფალიაშვილიშ ჯოხობაშ პრემია (1979). დაჯილდოებულიე საპატიო შანიშ ორდენით.

ლიტერატურა[რედაქტირაფა]

  • საყვარელიძე ლ., ქსე, ტ. 5, ხს. 227, ქთ., 1980