მიანმარი

მიანმარიშ ოკათე რესპუბლიკა
შილა	გერბი
ნანანოღა	ნეიპიდო
უდიდაში ნოღეფი	იანგონი, მანდალაი, მოლამიამინი
ოფიციალური ნინა	ბირმული ნინა
თარობა	ოპრეზიდენტე რესპუბლიკა
პრეზიდენტი	ტეინ სეინი
ვიცე–პრეზიდენტეფი	ტინ იაუნგ მიინტ ოო,სამი მაუკ ხამი
ფართობი	678 500 კმ²(39-ა)
მახორობა	50 020 000 (მა-24)
ვალუტა	მიანმარული კიარტი
ბორჯიშ ორტყაფუ	UTC +6:30სთ
ქიანაშ კოდი	MMR
ოინტერნეტე კოდი	.mm
ოტელეფონე კოდი	+95

მიანმარი ვარდა ბირმა (ედომშამი ჯოხოდვალა – მიანმარიშ ოკათე რესპუბლიკა) — სახენწჷფო ობჟათე–ბჟაეიოლ აზიას, მილარე ინდოჩინეთიშ ჩქონიშ ბჟადალ ნორთის. ლათინურო იჭარუაფუ: Myanmar, Burma. ზიტყვა «მიანმა» (ბირმ. ) შანენს «ჩქარს», «მანგარს» დო გინმაბუნუ ზიტყვა «მია»–ს — ზურმუხტი. ქიანაშ მახორობაშ ედომშამი ჯოხოდვალა რე ბირმალეფი, მახორობაშ უმენტაშობა იჯოხოდვალუაფუ — «ბამა»–თი (ბირმ. ).

2010 წანაშ გჷმათუთას მიანმაქ დოთირუ ქიანაშ ჯოხოდვალა მიანმაშ ოკათე, მიანმარიში ოკათე რესპუბლიკა–შა, თეწკჷმა ართო თირელქ იჸუ ქიანაშ სახენწჷფო გერბი დო შილაქ.

გეოგრაფია

მიანმა ოთანჯჷ ინდოეთის (1463 კმ) დო ბანგლადეშის (193 კმ) ბჟადალშე, ჩინეთის (2185 კმ) ოორუე–ბჟაეიოლშე, ლაოსის (235 კმ) ბჟაეიოლშე დო ტაილანდის (1800 კმ) ობჟათე– ბჟაეილშე. ობჟათეშე დო ობჟათე–ბჟადალშე ომძღჷ ბენგალიშ ჸუჯი დო მოუტამაშ ჸუჯი (მარტაბანი), დო ხოლო ანდამანიშ ზუღა. ქიანაშ ფართობი, გოხოლუაშ კოკეფწკჷმა ართო, რე 678 ანთ. კმ², წყარპიჯ ღოზიშ სიგინძა რე — 1930 კმ.

კლიმატი

მიანმარს უმენტაშო ტროპიკული დო სუბეკვატორული კლიმატი რე. გჷმირთუ სუმი სეზონი:

• ლენჭყი (მესიშ ბოლოშე გჷმათუთაშ ბოლოშა);
• მორგილე — (გჷმათუთაშ ბოლოშე ფურთუთაშ ოშქაშეშა);
• დო ჩხე — (ფურთუთაშ ოშქაშეშე მესიშ ბოლოშა);

შტატი მონი.

ღურთუთას, თუთაშ ოშქაშე ტემპერატურა რე +24° С იანგონს, +21° C მანდალაის, ზარხულს მაქსიმალური ტემპერატურა რე +41° C. გვალამ რაიონეფს უმოს ჩხურუ რე (მაგალთო, შანიშ ლაკადას ზოთონჯიშ პერიოდის, სერით ტემპერატურაქ შილებე ნულს თუდო დიკინასი), ღურთუთას, რზენეფს ტემპერატურა +15° С–შე მეტი ვარე.

ჰიდროლოგია

მიანმარიში თარი წყარმალუეფი ოდუდეს ეთმეჭოფუნა გვალეფს დო ინდოეთიშ ოკიანეშ ბასეინს ორხველჷნა.

მინამარიში უდიდაში წყარმალუეფი რე – ირავადი, მეკონგი, სალუნი, სიტაუნი დო ჩინდუნი. ტობეფი ბრელი რე, თინეფშე არძაშ უმოს დიდი რე — ტობა ინლე დო შანიშ ლაკადა.

ნანანოღა

მიანმარიში ნანანოღა — ნოღა ნეიპიდო (მანდალაიში ადმინისტრაციული აკანი), დორსხილი რე გვალა პინამანაშ ბჟადალშე სუმ კოლომეტრიშე.

ადმინისტრაციული დორთუალა

მიანმარი

მიანმარიშ 1974 წანაშ კონსტიტუციათ, ქიანა რე უნიტარული სახენწჷფო. ქიანა დორთილი რე 7 აკანო (ტაიინგი) დო 7 შტატო (პუი–ნე). აკანეფი დო შტატეფი ირთუ რაიონეფო (მიონე), ნამუთ რენა რსხილი ნოღეფი (მიო) დო ოფოტუეფი (გიმენრაიონეფი), ნამუთ აკმაართანა ნოღაშ კვარტალეფს (იაკვე) დო ოფოტუეფიშ ბუნას (ჩეიუა).

მახორობა

ქიანაშ მახორობა რე 50 მლნ კოჩი, მახორობაში ეთნიკური აკოდგინალუა: ბირმალეფი — 68 %, შანეფი — 9 %, კარენეფი — 7 %, არაკანალეფი — 4 %, ჩინელეფი — 3 %, ინდიელეფი — 2 %, მონეფი — 2 %, შხვა — 5 %.

რელიგია

მიანმარი — ბრელკონფესიური ქიანა რე, მარა მახორობაში უმენტაშობა ბუდისტეფი რენა (თხერავადაშ სკოლა). მახორობაშ კონფესიური აკოდგინალუა: ბუდისტეფი — 89 %, ქირსიანეფი — 4 %, მუსულმანეფი — 4 %, ანიმისტეფი — 1 %, შხვა — 2 %.

რესურსეფი ინტერნეტის

• ოთარობე გიშმაშკუმალარი «მიანმარი თაიმსი» (ინგლისურ დო ბირმულ ნინაშა)
• ზოხორინელი გიშმაშკუმალარი «ირავადი» (ინგლისურ დო ბირმულ ნინაშა)
• myanmar.gov.mm
• Chief of State and Cabinet Members
• Burma from UCB Libraries GovPubs
• Online Burma/Myanmar Library: Classified and annotated links to more than 17,000 full-text documents on Burma/Myanmar
• Interactive timeline of turning points in Burmese history