ინდოეთი

ინდოეთი
ნანანოღა	დელი
უდიდაშ ნოღა	მუმბაი
ოფიციალური ნინეფი	ჰინდი, ინგლისური
თარობა	ფედერაციული რესპუბლიკა, ოპარლამენტე რესპუბლიკა
პრეზიდენტი	პრატიბა პატილი
პრ. მინისტრი	მანმოჰან სინგჰი
ფართობი	3,287,590 კმ²(მა-7)
მახორობა	1.12 მილიარდი (მა-2)
ვალუტა	რუპია (INR)
ქიანაშ კოდი	IND
ოტელეფონე კოდი	+91

ჯოხოდვალა

• ოფიციალურო: ინდოეთიშ რესპუბლიკა.
  
• ოდაბადურო:भारतीय गणराज्य
  Bhārat Ganarājya
  ინგლისურო — Republic of India
  

ქიანაშ ნანანოღა

ნანანოღა რე დელი.

ფართობი

ტერიტორიაშ სიდიდა რე 3.287.263კ ვ.კმ.

მახორობა

მახორობათ ქიანას მაჟია აბანი უკინებუ 1,047,377ანთას კოჩით.

სახენწჷფო სისტემა

სახენჷწიფოშ სისტემათ რე ფედერაციული რესპუბლიკა.

ქიანაშ მადუდე რე პრეზიდენტი.
თარობაშ(კანტორაშ)უნჩაში რე პრემიერ-მინისტრი.

კანონიშდუმადვალუ ორგანო რე ჟირპალატამი პარლამენტი. აკმოდირთუ შტატეფიშ სხუნუშე(რაჯია საბჰა,250 მაკათური) დო ოკათაშური პოლიტიკაშე(ლოე საბჰა,545 მაკათური).
პარტიეფი - ინდოეთიშ ნაციონალური კონგრესი, ბჰარატია ჯანატა პარტია დო შხვა.

ნინეფი

ჰინდი - (თეშე რაგადანს 40%), ბენგალური, ტულუგური, მარათული, თამილური, ურდუ, გუჯარათული, მალაიალამი, კანადა, ორია, პენჯაბური, ასამური, კაშმირული, სინდური, სანსკრიტული. კონსტირუციათ კუნტახანურო გამოცხადებული რე ოფიციალური ნინათ ინგლისური(1%).

რელიგია

რელიგია - ინდუიზმი-83%, ისლამი-11%, ქირსიანობა-2,6%, სიკხიზმი-1,9%, ბუდიზმი-0,7%.

ეკონომიკა

1990-ამი წანეფშე ინდოეთიშ ეკონომიკა, თექ დოჭყაფილი რეფორმეფიშ გეშა, უმოსო ქიმკიჭიფუ ურცხოარი ინვესტორეფი. ქიანაქ სერიოზულო გინოსხაპ ინფორმაციული ტექნოლოგიეფიშ დარგეფშა. თინეფიშ კინოინდუსტრია გოვითარაფილი რე(ბოლივუდი).
ქიანაშ პროდუქტი: (გიმო)ტირინუა - 357მლრდ $(მა-15 აბანს), ართ შურშა მოურს 370$ წანას.
ექსპორტი (გინაღალარი პროდუქტი): ორქო,ბარგი, ბამბე დო ჩაი.

ვალუტა

ვალუტა რე ინდური რუპია.

ისტორია

მა-16 ოშწანურაშე იჭყაფუ ინდოეთიშ ეჭოფუა ევროპალ კოლონისტეფშე. დახე 200 წანა რდჷ ბრიტანეთიშ კოლონია. 1947 წანას მოხვადჷ სუბკონტინენტიშ კოლონიაშუკუნერი გორთუალა რელიგიაშ შინით ინდოეთო დო პაკისტანო, მუთიქ იჸუ თენეფს შქას ლჷმაშ დო ტერიტორიაშ გორთუალაშ ბაძაძიქ. ინდოეთიქ დიო დომინიონიშ სტატუს მიღჷ, მარა 1950 წანას ზოხორინალა გჷმაცხადჷ. შხვადოშხვა რელიგიური, კასტური დო ეთნოკულტურაქ ლჷმაშ ბაძაძიქ იჸუ.1948 წანას ჸვილირქ იჸუ "ბაპუ"- "ქიანაშ მუმა", მახათმა განდი, ნამდგაქჷთ დუდი გედგჷ ინდოეთიშ ზოხორინალაშ ყარაფის.

თე სტატია მერკე რე. თქვა შეილებუნა ქიმეხვარათ ვიკიპედიას დო გაგშათინათ დო გოფაჩათ.