ობჟათე გეორგია დო ობჟათე სენდვიჩიშ კოკეფი

ობჟათე გეორგია დო ობჟათე სენდვიჩიშ კოკეფიშ შილა

ობჟათე გეორგია დო ობჟათე სენდვიჩიშ კოკეფი (SGSSI) - კოკეფიშ ბუნა ობჟათე ატლანტიშ ოკიანეს, დასაბაღო დოშორაფილიე კონტინენტიშე დო წჷმარინუანს დიდი ბრიტანეთიშ ტერიტორიას. თე კოკეფიშე ეკაღანკალი რე ობჟათე გეორგია, ნამუთ კონტინენტიშე დოშორაფილი რე 520 კილომეტრით, კოკიშ ფართობი აკმადგინანს 3,903 კვადრატულ კილომეტრის.

თე ტერიტორტიას აბანური მახორობა ვახორანს, თაქ გონწყჷმილი რე დიდი ბრიტანეთიშ რკვიეფიშ პუნქტეფი. იდვალუ დასაბაღო ციკა კოკი ჩიტი, სოდგათ იდვალუ თე ტერიტორიეფიშ ადმინისტრაციული ცენტრი მაფა ედუარდ პოინტი.

კოკი ობჟათე გეორგიას მაართათ მიოგორეს ინგლისარეფქ 1675 წანას. მოგვიანაფილო, უკვე ინგლისარეფქ დიჭყეს თე კოკიშ გჷმორკვიაფა დო მუში ავანპოსტეფიშ დორცხუაფა. 1982 წანას დოჭყაფილ ფოლკლენდიშ ლჷმაშ ჟამს თე აბანქ ოკუპირაფილქ იჸუ არგენტინალეფიშე, მარა ლჷმაშ თებაშ უკული ობჟათე გეორგიაქ დო ობჟათე სენდვიჩიშ კოკეფქ კინი დიდ ბრიტანეთის დართჷ.

მუთ ოწაწჷ კოკი სენდვიჩის, თიშა მაართათ იჸუ მეგორაფილქ 1775 წანას ინგლისარი ზუღაში ჯეიმზ კუკიშე.

[რედაქტირაფა] ფლორა დო ფაუნა

თე კოკეფიშ ფაუნა გჷშაკერძაფილო დიდარიე. თე აბანეფი ბრელი იშვიათი ჯიშიშ ცხოველიშ შურობუმუ რე, თაქ ოხორანს მეხოლაფირო 120 000 სამაფო პინგვინი, თაშნეშიშე ეკაღანკალიე: ალბატროსი, პინგვინი, ქარიშხალა (მაფურენჯი), პრიონი, მეზღვიაცალეფი დო თოლია.

დასაბაღო მიარეფერუანი რე კოკეფიშ გოხოლუას არსებული ზუღაშ სამყარო. თაქ ბრელი რე სელაპეფი დო ზვიგენეფი.