ატლანტიშ ოკიანე
ატლანტიშ ოკეანე საგებიოშ სიდიდათ მაჟირა წყარიშ აუზიე დო თიში ჟიდონპიჯიშ ართ-ნახუთორს ფორუნს. ოკეანეშ ჯოხო მუმალობაშე ბერძნული მითოლოგიაშე რე დო "ატლასიშ ზუღას" შანენს.
ოკეანეს წჷმოგინძორაფილი ლათინური S-იშ ნერი ფორმა უღუ, ოორუე-ობჟათეშა რე გინოზინდილი დო ეკვატორიული ურთიართმანგურ დინებათ 8° ოორუეშ გინძორწკჷმა ირთუ ოორუე დო ობჟათე ატლანტიკებო. ბჟადალუშე ომძღჷ ამერიკაშ კონტინენტეფს, დო ელახიშე — ევროპას დო აფრიკას. წყჷნარ ოკიანეს მეურე არქტიკის ოკეანით ოორუეს დო დრეიკის სრუტით ობჟათეს. თე ჟირი ოკეანე ხელოვნურო რე მერინაფილ პანამაშ არხით. ელახიშე ატლანტიკიში დო ინდოეთიშ ოკიანეშ გუმართალიე 20° ელახიშ მერიდიანი, ნამუთ აგულაშ კონცხიშე ობჟათეშე ანტარქტიკაშა მეურს. ატლანტიკას არქტიკაშ ოკიანეშე რთჷნს ღოზეფი გრენლანდიაშ დო ოორუე-ბჟადალუ ისლანდიაშ შქა, ოორუე-ელახ ისლანდიაში დო შპიცბერგენიშ ოძგაშე ობჟათე ჭურჭულეფს შქას დო უკულ ოორუეშ კონცხიში დო ოორუე ნორვეგიაშ შქას.
ფორუნს საგებიოშ ჟინპიჯიშ მეხოლ. 20% ატლანტიშ ოკეანე სიდიდათ კჷნმასკიდუ წყჷნარ ოკიანეს. გოხოლუაშ ზუღეფიშ აშაკოროცხუათ თიში ფართობი რე 106.400.000 კვ. კმ; ზუღეფიშ გამორკებათ — 82.400.000 კვ. კმ. სქირონაშ ფართობი, ნამუშ წყარმალუეფი ატლანტიკაშა ენმიკათინუაფუ ოთხიშა უმოსიე წყჷნარი დო ინდოეთიშ ოკაანეეფწკჷმა ალაზიმაფათ. ოკიანიშ გოჸა ზუღეფიშით რე 354.700.000 კუბ. კმ., ზუღეფიშ უმშო - 323.600.000 კუბ. კმ.
ატლანტიშ ოშქარი სიტომბა ზუღეფიშით 3.332 მეტრიე; ზუღეფიშ უმუშეთ — 3.926 მ. არძაშე ტომბა 8.605 მეტრით პუერტო რიკოშ რღამილი. ატლანტიკაშ სიფართე ლაჸაფენს 2.848 კმ-ით ბრაზილიაში დო ლიბერიაშ შქას 4.830 კმ-შახ ააშ-ში დო ოორუე აფრიკაშ შქას.
ატლანტიშ ოკეანეს უსწორმასწორო ოძგაშე უღუ ბრელ ჸუჯით, უბით დო ზუღათ. თინეფ შქასიე კარიბიშ ზუღა, მექსიკაშ ჸუჯი, წიმინდე ლავრენტიშ ჸუჯი, სქირონაშქა ზუღა, უჩა ზუღა, ოორუეშ ზუღა, ლაბრადორიშ ზუღა, ბალტიაშ ზუღა, ნორვეგიაშ ზუღა, გრენლანდიაშ ზუღა დო თ.გ. ოკეანეშ კოკეფიე: ფაროშ კოკეფი, გრენლანდია, ისლანდია, როკალი, დიდი ბრიტანეთი, ირლანდია, ფერნანდუ-დი-ნორონია, აზორიშ კოკეფი, მადეირა, კანარიშ კოკეფი, კაბო-ვერდეშ კოკეფი, სან-ტომე დო პრინსიპიშ კოკეფი, ნიუფაუნდლენდი, ბერმუდაშ კოკეფი, კარიბიშ კოკეფი, წმინდა ელენეშ კოკი, ტრინიდადი დო ტობაგო, ტრისტან დო კუნია, ფოლკლენდიშ კოკეფი,ობჟათე ჯორჯიაშ კოკეფი დო შხვა.
რესურსეფი ინტერნეტის [რედაქტირაფა]
- ატლანტიშ ოკიანე, ენციკლოპედია ბრიტანიკა
- LA Times special Altered Oceans
- Oceanography Image of the Day, from the Woods Hole Oceanographic Institution
- National Oceanic and Atmospheric Administration
- NOAA In-situ Ocean Data Viewer Plot and download ocean observations
