სარდინია

ვიკიპედია ხასჷლაშე
გეგნორთი: ნავიგაცია, გორუა

სარდინია (იტალ. Sardegna) — გვალამი კოკი, იტალიაშ ავტონომიური რეგიონი. სარდინია სქირონაშქა ზუღას სიდიდათ მა-2 კოკი რე, უღჷ ტურისტული ზონა კოსტა-სმერალდა (ზურმუხტუანი წყარპიჯი).

ურცხოალეფიშ მიარეოშწანურამი მართუალაშ უკული, სარდინიაქ 1720 წანას აკაართჷ პიემონტის დო თე ჟირმანგო ომაფექ 1861 წანას გოართოიანაფილი იტალიაშ ოსხირო გინირთჷ. იტალიურიშ მოხ თაქ სარდინიულო ხოლო იჩიებუნა.

სარდინიაშ ფართობი 23 821 კმ² რე, მუშ ბჟადალშე გინოზინდილი რე ბალეარიშ ზუღა, ბჟაეიოლშე — ტირენიაშ ზუღა.[1] კოკიშ წყარპიჯეფი (სიგინძა 1 849 კმ) უმოსო მაღალი დო კჷრდეამი რე, გჷშეგორუ ბრელი გოსოფური კონცხით, მუდგაზმარენი ფართო, ტომბა ლუბათ (უბე), რიეფით დო ანდანერი ჭიჭე კოკით.

კოკის უჯვეშაში გეოფორმაცია აპალუ დო სიცილიაშ დო კონტინენტური იტალიაშე გოშხვანერაფათ, ვა ახასიათენს დიხაშნწალუეფი. მუში კჷრდეეფი პალეოზოური პერიოდით ითარიღებუ (500-შ შე უმოსი მლნ წანაშ წოხლე). მაღალგვალონას გიოხე ხანგინძე ეროზიული პრეცესეფიშ ნოქური. უმაღალაში კონკა რე პუნტა-ლა-მარმორა (1 834 მ).

სარდინიას მეურს ხუთი თარი წყარმალუ, ნამუეფ შქას უდიდაში რე ტრისო (151 კმ). წჷმორსხუაფილი რე 54 ხელობური ტობა, ნამუეფიშ თარი ფუნქცია რე წყარით მოხაზირაფა დო ელექტროენერგიაშ წარმება. თენეფ შქას არძაშე თარეფი რე ომოდეოშ დო კოგინასიშ ტობეფი. აკა ორთაშობური, ლიგე ტობა რე ლაგო-დი-ბარაცი.

კოკიშ კლიმატი ტიპური სქირონაშქაზუღური რე. წანმოწანაშ მალობას 300 დღა ბჟალამი რე, ნოლექეფიშ ძირითადი მუდანობა დამორჩილ-ზოთონჯიშ სეზონშე მოურს. ოშქაშე ტემპერატურა რე 11 — 17 °C (52 to 63 °F).[2] გაპატჷნებული ბორია რე მისტრალი, ნამუთ ოორუე-ბჟადალშე ურქენს თელი წანაშ მალობას, გჷშაკერძაფილო ზოთონჯის დო ზარხულს, მარა მუჭოთ წესი, თენა სქირე დო ჩხურუ რე.

ადმინისტრაციული გორთუალა[რედაქტირაფა]

სარდინია შრეგიონიშ პროვინციეფიშ რუკა

სარდინიაშ რეგიონი ადმინისტრაციულო ბრუო პროვინციათ ირთუ:

პროვინცია ფართობი (კმ²) მახორობა მეჭედალა (ად./კმ²)
კალიარიშ პროვინცია 4 570 559 416 122,4
კარბონია-იგლეზიასიშ პროვინცია 1 495 130 538 87,3
მედიო-კამპიდანოშ პროვინცია 1 516 103 107 68
ნუოროშ პროვინცია 3 934 161 453 41
ოლიასტრიშ პროვინცია 1 854 58 088 31,3
ოლბია-ტემპიოშ პროვინცია 3 399 153 886 45,2
ორისტანოშ პროვინცია 3 040 167 357 55
სასარიშ პროვინცია 4 282 336 374 78,5

ქოძირით თაშნეშე[რედაქტირაფა]

რესურსეფი ინტერნეტის[რედაქტირაფა]

სქოლიო[რედაქტირაფა]

  1. C.Michael Hogan. 2011. Balearic Sea. Encyclopedia of Earth. Eds. P.Saundry & C.J.Cleveland. National Council for Science and the Environment. Washington DC
  2. IL CLIMA DELLA SARDEGNA - Raimondi et al., 1995