სიცილია

ვიკიპედია ხასჷლაშე
გეგნორთი: ნავიგაცია, გორუა
სიცილია
სიცილია

სიცილია (სიცილიურო დო იტალიურო: Sicilia) — რე იტალიაშ ავტონომიური რეგიონი. სიცილიას იტალიაშ შხვა რეგიონეფიშ გეშე არძაშ უმოსი ტერიტორია უკებუ 25,708 კმ² დო ჸუნს ხუთი მილიონი მახორუ. სიცილია რე სქირონაშქა ზუღაშ უდიდაში კოკი. სარდინიაწკჷმა ართო სიცილია ოფიციალურო იკოროცხუ კოკურ იტალიაშ რეგიონო.

ოვარჭე შარეფწკჷმა სიხოლაშ გეშა, ისტორიულო სიცილიას უკებუდუ სტრატეგიული აბანი. თე ტერიტორია მირჩქინუაფუდუ დიდი საბერძენოშ (გრეკ.: Μεγάλη Ελλάς, ლათ.: Magna Graecia) მუხურო, ციცერონიშ ეჭარუათ სირაკუზა რდჷ ჯვეში გრეციაშ უდიდაში დო უსქვამაში ნოღა.

ამდღა სიცილია იტალიაშ რეგიონი რე, მარა ჯვეშო თინა რდჷ დუდიშუული სიცილიაშ სამაფო, ნამუთ ირთინუაფუდუ პალერმოშე. დუდშე სიცილიაშ ბუნტეფშახ, ომაფე ორთინუანდ კოკის, იტალიაშ ჩქონს კას დო მალტას. უკული თიქ გინირთჷ ჟირ სიცილიაშ კათ, ნამუსით ორთინუანდეს ბურბონეფი დო ნამუშ ნანანოღათ რდჷ ნეაპოლს. იტალიაშ აკოზგუმონჯუაშ უკული გემშართჷ იტალიაშა დო ამდღა რე ავტონომიური რეგიონი.

სიცილიას უღუ მუშ დინდარი კულტურა, სამუარხე, არქიტექტურა დო ქოთ მუში ნინა. სიცილიაშ ეკონომიკა უმოსო არცხუაფუ აგროკულტურას (უმოსო ფორთოხალი დო ლიმონიშ პლანტაციეფი); თაქიან ატმოსფერო დო ტატალა მითმიტყურუანს ბრელ ტურისტის.

რესურსეფი ინტერნეტის[რედაქტირაფა]