ჩხომი

ჩხომეფი (Fish) — წყარიშ ხირხიმელამ ჩხოლარეფი, ნამუეფსჷთ ვა უღუნა რსხულიშ იროიანი ტემპერატურა. ჩხომეფიშ ზჷმა-წონა გოშხვანერაფილიე: პანდაკიშ სიგჷრძა 7,5 მმ-ის ოჭირინუანს, ოდო ვერშაპიშობური ზვიგენიშ 15-20 მ-ას. ჩხომეფიშ უმენტაშობას ჩერიაშობური რსხული უღუ, ნამთინეს — ხასჷლეფშე (კამბალა) ვარა ოჭიშ-ქვარაჸურე (სკაროსი) გობირტყალაფირი, გვერშორო (სარღალა) წჷმოგირძოლაფირი ვარა ლიშიშორო (ზუღაშ ლიშჩხომი) წჷმოჭიფარაფილი, ნამთინე ბურთიშობური (ექინიჩხომი) ვარა ხვიანდაგიშობურიე (ქაშაყმაფა).

ჩხომეფიშ რსხული სიმეტრიულიე, კამბალაშ მოხ, ნამუსჷთ ჟირხოლო თოლი ცალ განშე უღუ. რსხული ფორილიე ქერენჭით. ექინჩხომიშ რსხული გოქუნილიე გინძე ქერცეფით, ზინთხიშობურეფიშ რსხულს 5 წკარას რე დვალირი ძვალამი ბართეფი. ლოქო დო შხვეფიშ რსხული ტაცალე რე. ჩხომეფიშ კანი დიდი მუდანობათ იკათუანს ლორწიშ გჷმმართუმუ ართკურთხუამი ჯარკვალეფს. ტომბა ზუღაშ ჩხომეფიშ უმენტაშობას ზუღაშ მანათებელი ორგანოეფი უღუ. ჩხომეფიშ ფერი კანიშ შხვადოშხვანერ პიგმენტეფშა რე მიკობუნაფილი. მუჭოთ თაშინ, თინეფიშ ოჭიშიშ განი უმოსი რუმე რე, ვინდარო ქვარაშ. დო ოართეთ დიდო მორგე ჩხომეფი რენა.

ჩხომეფიშ ძელამი სისტემა დასაბაღას დიფერენცირაფილიე დო თიწკჷმა მერსხუაფილიე ნამთინე ჩხომეფიშ ელექტრული ორგანოეფი, ოდო უმენტაშობას - ძვალამ ზვიგენეფიშ უმენტაშობას დო ზინთხიშობურ ჩხომეფს უდუნწყუმუ ქორდა უღუნა.

ლიტერატურა

• ჯანაშვილი ა., ქორთული სხუნუეფიშ ენციკლოპედია, ტ. 4, ხს. 633-634, ქართი, 1979 წანა.

თე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გოფაჩათ.