ქორთული სხუნუეფიშ ენციკლოპედია

ვიკიპედია ხასჷლაშე
გეგნორთი: ნავიგაცია, გორუა
ქსე–შ კაბრა (ჸვა), ტომი „საქ სსრ“, 1981 ქართი.

ქორთული სხუნუეფიშ ენციკლოპედია (ქსე), მაართა ქორთული უნივერსალური ომენცარე ჩჷნობარი რე დო იკათუანს 70 ვითოშიშახ ტერმინ-სტატიას. გჷშართჷ საქორთუოშ კპ ცკ-აშ დო საქორთუოშ სსრ მინისტრეფიშ სხუნუშ 1965 წანაშ 24 ეკენიაშ დოდგინალაშ ოსხირშა. გიშაშქუ ქორთული სხუნუეფიშ ენციკლოპედიაშ თარი ომენცარე რედაქციაქ (თარი რედაქტორი — ირაკლი აბაშიძე, რედაქტორი — როინ მეტრეველი), გჷშეშკჷ 12 ტომო (11 ჯინჯიერი დო 1 სპეციალური ტომი „საქორთუოშ სსრ“ 2 წიგნო, ქორთული დო რუსული ნინეფშა, ნამუეფით პერიოდულო გჷშმეშკუმალაფუაფუდჷ).

დინორე[რედაქტირაფა]

ქორთული სხუნუეფიშ ენციკლოპედია ეთმოსახჷნს ადამიერიშ რჩქინაშ დო პრაქტიკული საქვარაუაშ ირ ჯინჯიერი სფეროს. გჷშაკერძაფილო ფართას რე გოსინთაფილი საქორთუოშ სსრ მეჭირინაფეფი ეკონომიკაშ დო კულტურაშ, მენცარობაშ დო ტექნიკაშ დარგეფც; ქორთუ კათაშ მიარეოშწანურამი ისტორია, ლჷმა სოციალურ დო ერუანულ დუდიშალაშო.

ქორთული სხუნუეფიშ ენციკლოპედია გჷმასინთუანს სსრკ დო შხვა სოციალისტური ქიანეფიშ მოსოფელიშ ისტორიულ მეჭირინაფეფს ეკონომიკაშ დო კულტურაშ, მენცარობაშ დო ტექნიკაშ დარგეფს; საირქიანო კომუნისტური, მუშეფიშ დო ერუანულ-გუმადუდიშალაფარი ყარაფიშ გოვითარაფაშ ისტორიულ გჷმოცადილუას.

დიდ აბანს უთმენს ფიზიკაშ, ასტრონომიაშ, გეოფიზიკაშ, ბიოფიზიკაშ, კიბერნეტიკაშ, კოსმონავტიკაშ, გენეტიკაშ. ბიოლოგიაშ, საოფუტო-სამეურნო მენცარობეფიშ, მედიცინაშ დო შხვა ოკითხეფს.

ქორთული სხუნუეფიშ ენციკლოპედიაშ სტატიეფიშ დიდი ნორთი უკინებჷ ბიბლიოგრაფეფც, მუთ გაბრას არზენც მაკითხირალც უმოსი ფართას გეჩინებაფუას ლიტერატურაშ თე თუ თი პრობლემეფი. ქორთული სხუნუეფიშ ენციკლოპედიაშ ღოლამას თარი ომენცარე რედაქციაშ დარგიშური დო ფუნქციონალურ რედაქციეფწკჷმა ართო აქტიურო ოკათუდ რესპუბლიკაშ მენცარეფიშ დიდი კოლექტივი (საქორთუოშ სსრ მენცარობეფიშ აკადემიაშ პრეზიდიუმიშ ხემანჯღვერალათ, მუთ ქორთული სხუნუეფიშ ენციკლოპედიას შანულამი ომენცარე-მეთოდურ მოხვარას უწიენდ) დო ქიმერონული ინტელიგენცია. ოწმახუშე იხაზირჷ დო იბეშტუ ედომუშამი გჷმოჩამაშ თემატური ზიტყვონეფი (36 დოჯოხონობაშ) დო მაკეტი, ნამუეფუშ სხუნუას ოკათუდ რესპუბლიკაშ ომენცარე დოწესაფილობეფი, უმაღალაშ ოგურაფუეფქ, პარტიული, სახენწჷფო, პროფკავშირული დო კომკავშირული ორგანიზაციეფქა, ქიმერონული რსხუეფქ, უჭყაფეფქ, ოწარმეეფქ დო შხვა.

ქორთული სხუნუეფიშ ენციკლოპედიას ხვეიანო რე წჷმორინაფილი ფერუანი დო უჩა-ჩე დინნართა დო ოტექსტე ილუსტრაციეფი, ფერუანი (დინნართა) დო უჩა-ჩე რუკეფი. ტექსტიქ ეინწყუ (შრიფტი სპეციალურიე - „ენციკლოპედიური“, ავტორი ა. დუმბაძე) დო დიბეშტჷ საქორთუოშ სსრ გახსახკომიშ ობეშტური ზიტყვაშ კომბინატის. ტირაჟი 80 ვითოში (სპეციალური ტომიშ - 90 ვითოში).

ლიტერატურა[რედაქტირაფა]

  • მეტრეველი რ., ქსე, ტ. 10, ხს. 483, ქთ., 1986

ქოძირით თაშნეშე[რედაქტირაფა]

Commons-logo.svg
ვიკიოწკარუეს? რე ხასჷლა თემაშენ: