ხელუანობა
ხელუანობა, ფირჩა სვენათ, ადამიერიშ ქიმერონიშ დო აწოსახუაშ ფიზიკური გჷმოხანტუა რე ნაწარმონებებც, ნამუთ აკმაშქვანც თახმობუას დო ვარ მუნაგონაშ ხანტუშური გჷმოხანტუაშ შხვადოშხვა ფორმეფც. ზიტყვა ხელუანობა ეთმიჩამუ მუჭოთ ორთაშ მოპიჯე ჩჷნაფა.თე სჷმჷნით ხელუანობას ორხველჷ ირფელი, მუთ ვაორთაშური ბადებაშიე, ანუ აკოქიმინელი რე ადამიერიშით (ავტორიშ, ხელუანიშ). ალმახანური ინტერპრეტაციით, ხელუანობაშ გოხურგუეფი ეთმოსახუნა ესთეტიკურ კრიტერიუმეფც, დო ტერმინი ართნერო ოწაწჷ ლიტერატურას, მუსიკას, სხაპუას, დრამატურგიას, ხანტუობას, სკულპტურას დო არქიტექტურას.
ონჭირე სვენათ, ხელუანობას გურიწყულენა ხვალე სახუათ ხელუანობას, ანუ ფერჭარუას, გრაფიკას დო ხუროთმონძღვარუას. ზიტყვა ხელუანც მეტაფორულიმენორსით ხოლო ირინუანა დო თინა ეთმოშანუნც რჩქინაშ, ორსანტობაშ მაღალი გეჸეს ნამდგარდია საქვარუაშ დინოხალე.
შქა ოშწანურეფც ტერმინი ხელუანობა გჷმირინუაფუდჷ გურაფაშ ეიოშანალო, გჷმისხუნუდჷ მუჭოთ ეთოჩნებაშ ინსტრუმენტი. თე ფარანიშ შქვით დუდიშული ხელუანობას ორხველუდ: გრამატიკა, ლოგიკა, რიტორიკა, არითმეტიკა, მუსიკა, გეომეტრია დო ასტრონომია. ბჟადაჸალური კულტურას ვიზუალურ ხელუანობეფიშ შქას ოშწანურეფიშ აშაბანც სქიდუდ ხვალე ფერჭარუა დო სკულპტურა. ისლამურ კულტურაას ჯინჯიერი ფორმა ორნამენტი რდჷ, ანდახ თე რელიგია შურდგუმილი სქჷლედეფიშ გჷმოსახუას კრძალუნდჷ. ნამთინე კულტურაშ ნიღაბეფი, ტატუირაფა, კერამიკა დო ლითონიშ ნაქიმინეფი რდეს სახუათ ხელუანობაშჯინჯიერი ფორმეფი. ტექნიკური პროგრესიქ შელებუანო გინაშქუ ხელუანობაშ ახალი ფორმეფიშ გორჩქინა, მუნერეფით რე: ფოტოგრაფია დო კინო,ოდო ალმახანური ელექტრონული ტექნოლოგიეფი ძირაფონი სახეეფიშრსუალოშ ახალი ფორმეფიშ ქიმინუაშ დო წჷმორინაფაშ მეშქაშალეფც ირზენც.
[რედაქტირაფა] ხელუანობაშ დარგეფი
- არქიტექტურა
- გრაფიკა
- დეკორატიული ხელუანობა
- თეატრი
- კინოხელუანობა
- ლიტერატურა
- მუსიკა
- სკულპტურა
- ფერჭარუა
- ფოტოგრაფია
- ქორეოგრაფია
ხელუანობაქ შილებე გიარსხუას ფორმას, ფიგურას (ფერჭარუა, სკულპტურა), ზიტყვას (ლიტერატურა), ბგერას (მუსიკა), ყარაფის (სხაპუა) ვარა თინეფიშ ჰიბრიდის (თეატრი, კინო).
