ალასკა ოორუე ამერიკაშ XIX ოშწანურაშ დალიერიშ რუკას
ალასკა (ინგლ. Alaska), ალეუტურ ნინაშე ითანგუ — „გვერშაპიშ აკანი“, „გვერშაპიშ ოხორუ“ (ალა’სხ’ა) — ტერიტორიათ არძაშე უკაბეტაში შტატი ააშ-ს ოორუე ამერიკაშ ოორუე-ბჟადალ მუხურს. თიშ ტერიტორიაშა მიშმურს ალასკაშ ჩქონი, ალეუტიშ ჩქონი, რჩქალი ოკიანეშ კონჩხიშ ონჭირე ღოზი, ალექსანდროვიშ ჩქონიშ კოკეფი, ბჟადალ კანადაშ წყარპიჯიშ ზოლი დო კონტინენტიშ ნორთი.
ალასკაშ შტატი იდვალუაფუ კონტინენტიშ უძგაშაშ ოორუე-ბჟადალს, ჩუკოტკაშ ჩქონშე (რუსეთი) გჷშართილი რე ბერინგიშ საროტით, ბჟაეიოლშე ოთანჯჷ კანადას, ბჟადალშე, ბერინგიშ საროტიშ ჭიჭე ნორთით — რუსეთის. აკმიდგინუ მატერიკული ნორთიშე დო კოკეფიშ დიდ ნორთეფშე: ალექსანდროვიშ ჩქონი, ალეუტიშ კოკი, პრიბილოვიშ კოკი, კადიაკიშ კოკი, წიმინდე ლავრენტიშ კოკი. ელახშე ომძღჷ ოორუეარქტიკული ოკიანე დო რჩქალი ოკიანე. რჩქალი ოკიანეშ წყარპიჯის — ალასკაშ ქჷნდჷრი; ოორუეშე ომძღჷ — ბურქსიშ ქჷნდჷრი, სოდე გეძჷ არქტიკული რზენი.
რჩქალი ოკიანეშ კონჩხიშ ღოზის კლიმატი ზომიერი რე, ზუღაშებური, უმოსო ბურტყუ; შხვა რაიონეფს — არქტიკული დო სუბტროპიკული კონტინენტალური რე, ჸინჩი ზოთონჯეფითი.
| ნოღეფი 100 000 ადამიერშე მეტი მახორუთ
|
| ნოღეფი 10 000 — 100 000 მახორუ ადამიერით
|
| ნოღეფი 10 000 ადამიერშე უნორკებაშით
|
|
|
|
|
|
|
