ადნან მენდერესი
| ადნან მენდერესი Adnan Menderes | ||
.jpg) მენდერესი 1939 წანას | ||
| თურქეთიშ მა-9 პრემიერ-მინისტრი | ||
|---|---|---|
| პოსტის გერინაშ ბორჯი | ||
| 22 მესი, 1950 – 27 მესი, 1960 | ||
| პრეზიდენტი | ჯელალ ბაიარი | |
| წიმოხონი | შემსეთინ გიუნალთაი | |
| მონძე | ჯემალ გიურსელი | |
| პოსტის გერინაშ ბორჯი | ||
| 9 მანგი, 1950 – 27 მესი, 1960 | ||
| წიმოხონი | ჯელალ ბაიარი | |
| მონძე | პოსტიქ გეუქვჷ | |
| პოსტის გერინაშ ბორჯი | ||
| 25 პირელი, 1931 – 27 მესი, 1960 | ||
| დუნაბადი | 1899 კოჩარლი, ოსმალეთიშ იმპერია | |
| ნაღურა | 17 ეკენია, 1961 (62 წანერი) იმრალი, თურქეთი | |
| ღურაშ ბაძაძი | გითოშქვიდაფა | |
| მენოღალობა |  თურქეთი | |
| პოლიტიკური პარტია | ლიბერალურ-რესპუბლიკური პარტია (1930) ოკათე რესპუბლიკური პარტია (1930-1945) დემოკრატიული პარტია (1946-1960) | |
| ალმასქუ | ბერინ მენდერესი | |
| სქუალეფი | 3 | |
| გონათაფა | ანკარაშ უნივერსიტეტი | |
| პროფესია | იურისტი | |
| რელიგია | სუნიზმი | |
| ხეშმოჭარუა |  | |
ადნან მენდერესი (თურქ. Adnan Menderes; დ. 1899 — ღ. 17 ეკენია, 1961) — თურქი პოლიტიკოსი, თურქეთიშ პრემიერ-მინისტრი 1950-1960 წანეფს.
მენდერესი გურაფულენდჷ იზმირიშ ამერიკული კოლეჯის დო ანკარაშ უნივერსიტეტიშ იურიდიული ფაკულტეტის. ახალნორდობაშე პოლიტიკათ დეინტერესჷ. 1930 წანას ქაკათჷ მუსტაფა ქემალ ათათურქიშ ოკათე რესპუბლიკური პარტიას (ორპ) დო გიშაგორილქ იჸუ დიდი ერუანული ასამბლეაშ მაკათურო. 1945 წანას მენდერესი ორპ-შე გეგშაჸათეს. 1946 წანას მენდერესიქ დარსხუ დემოკრატიული პარტია, ნამუთ თურქეთიშ ართ-ართი ლეგალური ოპოზიციური პარტია რდჷ. 1950 წანაშ თურქეთიშ მაართა დუდიშული გიშაგორუეფს დემოკრატიული პარტიაქ გემორძგუ დო თურქეთიშ პრემიერ-მინისტრო მენდერესიქ გინირთჷ. მართუალაშ გოძვენას, მენდერესი მეთხოზუდჷ პრო-ბჟადალური პოლიტიკას დო თაშნეშე, ოცადუდჷ ურთიართალაშ გაუჯგუშებას მუსულმანური ქიანეფიწკჷმა. დემოკრატიული პარტიაქ ხუჯი დუკინჷ კერძო ბიზნესეფს დო ოპონირენდჷ დოგეგმილი ეკონომიკას. მენდერესიშ მართუალაშ ბორჯის, თურქეთიშ ეკონომიკური ჸოფაქ გეუფრაშჷ მარა მენდერესი იშენ სკიდუდჷ პოპულარული პოლიტიკოსო. 1954 წანაშ გიშაგორუეფს კინ დემოკრატიული პარტიაქ გემორძგუ. ჸათე პერიოდიშე, მენდერესიქ წიმიჭყჷ რეპრესიეფი პოლიტიკური ოპონენტეფიშ მეხჷ. გემშეღჷ პრესაშ ცენტურა, ოჭოფუ დო ჯიხას ქუდახუნუ ჟურნალისტეფი. თიში ჸათეცალი პოლიტიკათ ძალამს უკმაყოფილე რდეს მუჭოთ თურქი ინტელექტუალეფი თაშნეშე ოურდუმე მოღალეეფი. თურქეთიშ არმია მერჩქინელი რდჷ ათათურქიშ იდეეფიშ დო რეფორმეფიშ მათხილარო. მუჟამსჷთ ჸათე იდეეფქ საფრთხეშ თუდო ქიგედირთუნჷ, არმიაქ მანწყუ ოურდუმე გინორთა, 1960 წანაშ 27 მესის. მენდერესი ქუდახუეს, ოჭოფეს, გასამართეს დო შხვადოშხვა დანაშურეფი (კორუფცია, სახენწჷფო ფინანსეფიშ ესქირაფა დო შხვა) ქეკადვეს დო 1961 წანაშ 17 ეკენიას, ქეგთაშქვიდეს.
რესურსეფი ინტერნეტის
[რედაქტირაფა | წყუშ რედაქტირაფა]
|
თე სტატია პოლიტიკური მოღალეშ გეშა დიოდღარო მერკე რე. თქვა შეგილებუნა ქუმმეხვარათ დო აკაფშათ თინა. |
|
თე სტატია თურქეთიშ დო თურქეფიშ გეშა დიოდღარო მერკე რე. თქვა შეგილებუნა ქუმმეხვარათ დო აკაფშათ თინა. |