აიმარა (ნინა)

ვიკიპედიაშე
აიმარაშ ნინაშ გოფაჩუაშ არეალი

აიმარა (Aymar aru) - ანდეფც მახორუ კათაშ, აიმარაშ ნინა. თე ნინაშა თეჟამც 2 227 642 კოჩი რაგადანც. აიმარა, ესპანურწკჷმა დო კეჩუაწკჷმა ართო, სახენწჷფო ნინა რე პერუს დო ბოლივიას. თაშნეშე გოფაჩილიე ჩილეს დო ოორუე არგენტინას. ნამთინე ლინგვისტი მითმირჩქინანც, ნამდა აიმარა უმოჯგირუანც თიშე უმოსი ფართას გოფაჩილ კეჩუაშ ნინას. ფონოლოგიური გვენა დასურო არგამა რე, მარა მუჭოთ ლინგვისტეფიშ მაჟირა, უმენტაში ნორთის მიოჩქუნ, თენა თე ნინეფიში მოჯგირალაშე ვამუთმოურცჷნ, ვარინ თე ნინეფიშ ართი დო იგივე ტერიტორიას ობაღინაფალო ხანგინძე მაჸალობაში მოღალუ რე.

აიმარა აგლუტინაციური დო პოლისინთეზური ნინა რე, ზიტყვეფიშ ალმაჸუნალობაშ სუბიექტ-ობიექტიშ ტიპოლოგიათ.

რესურსეფი ინტერნეტის[რედაქტირაფა | წყუშ რედაქტირაფა]