აკვატორია

აკვატორია (ლათ. aqua-შე — წყარი, territorium — ტერიტორია) — წყარიშ ჟინპიჯიშ ნოკვეთი, ნამუსთ ელმოლშე ომძღჷ ორთაშობური, ხელუანური ვარდა პიჯობური ხურგეფი.

უციოთ გეგშაფრთათ ოკო:

ორთაშობური აკვატორიეფი: ოკიანეეფი, ზუღეფი, ჸუჯეფი, ლუბეფი, ტობეფი.
ხელუანური აკვატორიეფი: ონიშოლეფი, წყაროჩუაშეეფი, არხეფი.

ონიშოლიშ აკვატორიაშ აკოდგინალუაშა მიშმურს ოწყარე მიოულარეფი, რეიდი დო დინოხოლენი ზუღაშ კარეფი ვარდა ღანჩოეფი, ნამუშ თანჯეფს იდვალუაფუ ანკარიეფი დო სოდე მეურს ხვამარდეფიშ ხარგუა დო გჷმოხარგუა.

ონიშოლეფიშ აკვარორია ონინალჷ:

ხვამარდეფიშ მიშარინალო (ონიშოლი აკვატორია);
ხვამარდეფიშ აკაგაფალო დო ოკეთებელო (ოქარხანე აკვატორია);
ჰიდროფურინჯეფიშ ეიოფურჷნალო დო დაფურჷნალო;
ოურდუმე ტექნიკაშ ოცადებელო (ოწყარე პოლიგონი; ონაღმე პოლიგონი) დო შხვ.

თაშნეშე ქოძირით

ოწყარე ობიექტი

ათე სტატია მერკე რე.
თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ.