აკოანჯარაფილი ძალეფი

ვიკიპედია-შე
Jump to navigation Jump to search

აკოანჯარაფილი ძალეფი სახენწჷფოშ აკოანჯარაფილი ორგანიზაცია, ნამუთ აკმოდირთუ აკოანჯარაფილი ძალეფიშ შხვადოშხვა ბუნეფშე, ჯარეფიშ გვაროვნებეფშე, დუდალაშ ორგანოეფშე დო ოჭიშიშ ოინალუეფშე. აკოანჯარაფილი ძალეფიშ უთარაშ მეშანილობას წჷმარინუანს სახენწჷფო ინტერესეფიშ თხილუა ოურდუმე ნძალებაშ შარათ. უმენტაშ ქიანეფს აკოანჯარაფილ ძალეფშა მიშმურს გეჸვენჯი ბუნეფი: ოსქირონე ჯარეფი, ოურდუმე-ოჰაერე ძალეფი დო ოურდუმე-ოზუღე ძალეფი. აკოანჯარაფილი ძალეფი იკოროცხუ კანონიერ აკოანჯარაფილ ფორმირაფათ, ნამუთ იფინანსებუ ქიანაშ ბიუჯეტშე. სახენწჷფოშ ტერიტორიას რინელ (მოქიმინჯეთ დო უმოქიმინჯეთ) ნამუდგარდია სახეშ აკოანჯარაფილ პიჯეფიშ ორგანიზაფილ ართონობა მირჩქინუაფუ უკანონე აკოანჯარაფილ ფორმირაფათ.