ალექსანდერ ჰამილტონი

ვიკიპედია-შე
გეგნორთი: ნავიგაცია, გორუა
ალექსანდრ ჰამილტონიშ პორტრეტი, ავტ. ჯონ თრამბალი, 1792

ალექსანდერ ჰამილტონი (ინგლ. Alexander Hamilton) (დ. 11 ღურთუთა, 1755 ვარდა 1757 — ღ. 12 კვირკვე, 1804) — ამერიკალი პოლიტიკოსი, სახენწჷფო მოღალე, ჭარუ, იურისტი დო ოურდუმე პიჯი. ჰამილტონი „ფედერალისტეფიშ ჭარუეფიშ“ ართ–ართი ავტორი რე (ინგლ. Federalist Papers). ათე დოკუმენტით დეცვეს ააშ–იშ ახალი კონსტიტუცია სკეპტიკოსი ნიუ–იორკალეფიშე. ჰამილტონიშ ნასამართუ რე არხო დორსხუაფილი სახენწჷფოშ ეკონომიკური რდუალა, თინა რდჷ ფინანსეფიშ მინისტრი, თიქ დარსხუ მაართა ამერიკული ბანკი, სახარხო კრედიტი დო ოფონდე ოფაფური. მუში პოლიტიკური მეჯინეფიშ თომას ჯეფერსონიშე დო ჯეიმზ მედისონიშე ოთხილარო, ჰამილტონქ დარსხუ მაართა პოლიტიკური პარტია, ფედერალისტეფიშ პარტია, ნამუშ ლიდერით რდჷ სოიშა აარონ ბურწკჷმა დუელიშ ბორჯის ვაღურუნ.