ალექსეი ტოლსტოი

ვიკიპედია-შე
ალექსეი ტოლსტოი
დაბადებაშ თარიღი:

10 ღურთუთა, 1883

დაბადებაშ აბანი:

ნიკოლაევსკი, სამარაშ გუბერნია, რუსეთიშ იმპერია

ღურაშ თარიღი:

ფურთუთა 23, 1945 (62 წანერი)

ღურაშ აბანი:

მოსკოვი, რსფსრ, სსრრ

ერუანობა:

რუსი

საქვარუა:

ჭარუ, ნოველისტი, ესეისტი, დრამატურგი, პოეტი, ჟურნალისტი, სცენარისტი

პერიოდი :

1907–1945

Magnum opus:

შარა გოლგოთაშა (1920-1941)
აელიტა (1923)
ინჟინერი გარინიშ ჰიპერბოლოიდი (1926)
ორქოშ კილა, ანუ ბურატინოშ დუდსგინნაველეფი (1936)

ჟანრი:

ომენცარე ფანტასტიკა, ისტორიული ბელეტრისტიკა

ნინა:

რუსული ნინა

ჯილდოეფი:

ლენინიშ ორდენი (1938)
საპატიო შანიშ ორდენი (1939)
ხანდაშ ჭითა შილაშ ორდენი (1943)
სტალინური პრემია (1941, 1943, 1946)

ხეშმოჭარუა

ალექსეი ნიკოლაიშ სქი ტოლსტოი (რუს. Алексей Николаевич Толстой; დ. 10 ღურთუთა, 1883 [ჯვ. სტ. 29 ქირსეთუთა, 1882], ნიკოლაევსკი, სამარაშ გუბერნია, რუსეთიშ იმპერია — ღ. 23 ფურთუთა, 1945, მოსკოვი, რსფსრ, სსრრ) — რუსი ჭარუ, ნოველისტი, ესეისტი, დრამატურგი, პოეტი, ჟურნალისტი დო სცენარისტი. თიში ნახანდეფი უმოსო ორხველუდჷ ომენცარე ფანტასტიკაშ დო ისტორიული ბელეტრისტიკაშ ჟანრეფს.

გურაფულენდჷ სანქტ-პეტერბურგიშ ტექნოლოგიურ ინსტიტუტის 1901-1906 წანეფს. 1906 წანას ევროპაშა მიდართჷ. დიო დრეზდენს ცხოვრენდჷ, უკულ პარიზის. ლიტერატურული კარიერა 1900-იან წანეფიშე დიჭყჷ. მაართა წინგი, ლერსეფიშ კათელი "ლირიკა" 1907 წანას გჷმაბჟინუ. უკულ თის 1908 წანას მაჸუნჷ პოეტური კათელქ "ლენი წყარმალუეფიშ მელე". ტოლსტოიქ 1909 რუსეთიშა დირთჷ.

მაართა მოსოფელიშ ლჷმაშ ბორჯის ტოლსტოი მუშენდჷ ოურდუმე კორესპონდენტო. გჷმათუთაშ რევოლუციაშ უკულ, მუჭოთ ანტიბოლშევიკიქ რუსეთი ქიდიტუ დო რუსეთიშა 1923 წანაშახ ვადურთინჷ. სსრრ-ს ტოლსტოი მერჩქინელი რდჷ ართ-ართ პოპულარულ დო პრივილეგირებულ ავტორო. თიქ კომუნისტურ იდეოლოგიას ჯგირო ქიმუხუჯუ. 1936 წანას ტოლსტოიქ გიშაგორილქ იჸუ სსრრ-შ ჭარუეფიშ რსხუშ მადუდეთ. სუმშა მიპალუ სტალინური პრემია.

ალექსეი ტოლსტოიშ ნახანდეფიშე ეიოშინალი რე: ტრილოგია შარა გოლგოთაშა (ნამუთ იკათუანს რომანეფს "დალეფი", "მავითობრუო წანა", "დღვირინა ოჭმარე"), ომენცარე-ფანტასტიკური რომანეფი აელიტა, ინჟინერი გარინიშ ჰიპერბოლოიდი, არიკი ორქოშ კილა, ანუ ბურატინოშ დუდსგინნაველეფი.

გიშნაგორა ნახანდეფი[რედაქტირაფა | წყუშ რედაქტირაფა]

  • ლირიკა (1907, პოეტური კათელი)
  • ნიკიტაშ ბაღანობა (1921)
  • შარა გოლგოთაშა (1921-1941, ტრილოგია)
    • დალეფი
    • მავითობრუო წანა
    • დღვირინა ოჭმარე
  • აელიტა (1923)
  • ინჟინერი გარინიშ ჰიპერბოლოიდი (1926)
  • ორქოშ კილა, ანუ ბურატინოშ დუდსგინნაველეფი (1936)
  • პეტრე I (1929-1934)
  • მარა ტურენევოს (გიშართჷ ავტორიშ ღურაშ უკული, 1958)
  • გრაფი კალიოსტრო

რესურსეფი ინტერნეტის[რედაქტირაფა | წყუშ რედაქტირაფა]