დინორეშა გინულა

ალექსის ბუვარი

ვიკიპედიაშე
ალექსის ბუვარი
ფრანგ. Alexis Bouvard
დაბადებაშ თარიღი:

27 მანგი, 1767

დაბადებაშ აბანი:

ლე-კონტამინ-მონჟუა, საფრანგეთი

ღურაშ თარიღი:

მანგი 7, 1843 (75 წანერი)

ღურაშ აბანი:

პარიზი, საფრანგეთი

მენოღალობა:

საფრანგეთიშ შილა საფრანგეთი

ომენცარე სფერო:

ასტრონომია

სამუშაშ აბანი :

პარიზიშ ობსერვატორია

ჯილდოეფი დო პრემიეფი:

საფრანგეთიშ მენცარობეფიშ აკადემიაშ მაკათური (1803)
ლონდონიშ ომაფე ჯარალუაშ ურცხოალი მაკათური (1826)
ედინბურგიშ ომაფე ჯარალუაშ საპატიო მაკათური (1828)
საპატიო ლეგიონიშ ორდენიშ ოფიცერი

ალექსის ბუვარი (ფრანგ. Alexis Bouvard; დ. 27 მანგი, 1767, ლე-კონტამინ-მონჟუა, საფრანგეთი — ღ. 7 მანგი, 1843, პარიზი, საფრანგეთი) — ფრანგი ასტრონომი.

ალექსის ბუვარიქ მუში მენცარული კარიერაშ ბორჯის მიოგორუ ბრუო კომეტას დო აკადგინჷ პლანეტეფიშ დიაშ, მარსქულიშ დო ურანიშ ასტრონომიული ცხრილეფი, თაშნეშე, გიმირკვიუ ურანიშ ორბიტაშ ირეგულარობეფი დო წჷმარინუ ბჟაშ სისტემაშ მაბრუო პლანეტაშ არსებობაშ კონცეფცია. ბუვარიშ აზრით ჸათე პლანეტა რდჷ ურანიშ ორბიტაშ ირეგულარობეფიშ ბაძაძი. ურბენ ლევერიეშ კალკულაციეფი (ნამუეფიშ გიმორინაფათ მიოგორეს პლანეტა ნეპტუნს), გერსხილი რე ალექსის ბუვარიშ მენცარულ რკვიებეფს.

ალექსის ბუვარი მუშენდჷ პარიზიშ ობსერვატორიას პიერ-სიმონ ლაპლასიშ ხემანჯღვერობათ. 1822-1843 წანეფს ბუვარი რდჷ პარიზიშ ობსერვატორიაშ დირექტორი.

ალექსის ბუვარი რდჷ საფრანგეთიშ მენცარობეფიშ აკადემიაშ, ლონდონიშ ომაფე ჯარალუაშ დო ედინბურგიშ ომაფე ჯარალუაშ მაკათური.

რესურსეფი ინტერნეტის[რედაქტირაფა | წყუშ რედაქტირაფა]