ამბროზია

ამბროზია (Ambrosia) — ართწანიანი დო მიარეწანიანი ჩანარეფიშ გვარი რთულპიოლამეფიშ ფანიაშე. ამბროზიას დოჸალერი ღერი დო მორანწკეთ ვარდა სააწმარენჯოთ მიკოჩანელი ფურცელეფი უღუ. ამერიკას, ამბროზიაშ 30-შახ გვარობა ტყას ირდუ. კანკალე მიშაღალირი რე ატლანტიშ დო რჩქალი ოკიანეეფიშ კოკეფშა, თაშნეშე ოორუე ავსტრალიაშა, ობჟათე აზიაშა, ევროპაშა დო აფრიკაშა. უბადოუჩაფურცელამი ამბროზია (Ambrosia artemisiifolia) მუთმოფხვადჷნა ქობალკაკალმა დო ოხაჩქალ კულტურეფს; სუმღარამი ამბროზია (Ambrosia trifida) - აფხაზეთის, კახეთის, გიშაკერძაფილო ლაგოდეხიშ მუნიციპალიტეტის, გერანიშ დო თუთუმიშ პლანტაციეფს დო ლაწკარამ კულტურეფს; მიარეწანიანი ამბროზია (Ambrosia psilostachya) - კულტურულ ჩანარეფს შქას რე. სუმხოლო გვარობა უდუთხინაფუ საკარანტინე ჟვერი რე, ოჟვერუანს დახე არძა ოფუტე-ომეურნე კულტურას, გიშმასქირუანს დო მაბიჭენს დიხას, აჭიჭარენს მოსალიანობას, მუში შხუ დო ჩირქოლა ღერეფით ხეს ვაუნწყუნს ქობალობაშ ეჭოფუას.

სააწმარენჯო ქიმინჯეფი: ნაწვერუშ ეჩაჩუა, დიხაშ ტომბას ხონუა, ჰერბიციდეფიშ გჷმორინაფა დო შხვა. ამბროზიაშ ტვერი ლახარას გჷმიჭანუანს, ნამუთ ჩინებული რე თივაშური ლახარაშ ჯოხოთ.

ლიტერატურა

• ქორთული სხუნუეფიშ ენციკლოპედია, ტ. 1, ხს. 352, ქართი, 1975 წანა.