ანტონენ არტო

ვიკიპედიაშე
ანტონენ არტო
ფრანგ. Antonin Artaud

ანტონენ არტო 1926 წანას
დაბადებაშ თარიღი:

4 ეკენია, 1896

დაბადებაშ აბანი:

მარსელი, საფრანგეთი

ღურაშ თარიღი:

მელახი 4, 1948 (51 წანერი)

ღურაშ აბანი:

ივრი-სურ-სენა, საფრანგეთი

ერუანობა:

ფრანგი

საქვარუა:

პოეტი, ჭარუ, დრამატურგი, ესეისტი, არტისტი, თეატრალური რეჟისორი

Magnum opus:

თეატრი დო თიში ნაჟირალი

ჟანრი:

დრამა
ესე

ნინა:

ფრანგული ნინა

ჯილდოეფი:

სენტ-ბევიშ პრემია (1948)

ანტუან მარი ჟოზეფ პოლ არტო (ფრანგ. Antoine Marie Joseph Paul Artaud; დ. 4 ეკენია, 1896, მარსელი, საფრანგეთი — ღ. 4 მელახი, 1948, ივრი-სურ-სენა, საფრანგეთი), უმოსო შინელი რე მუჭოთ ანტონენ არტოფრანგი პოეტი, ჭარუ, დრამატურგი, ესეისტი, არტისტი დო თეატრალური რეჟისორი, ევროპული ავანგარდიზმიშ ართ-ართი უდიდაში ფიგურა. დარსხუ თეატრალური კონცეპტუალიზაციაშ ართ-ართი ფორმა - "კონწარი თეატრი" (ფრანგ. Théâtre cruel) , ნამუქჷთ დიდი გოლინა იღვენუ მაეჩა ოშწანურაშ თეატრიშა. არტოშ სიურრეალისტური, ტრანსგრესიული ნახანდეფი ეთმოჭარუნს ანტიკური კულტურეფიშ კოსმოლოგიას, ფილოსოფიას, ოკულტისტურ-მისტიკურ თემეფს დო შხვა. არტოშ არძაშე უმოსო შანულამი ნახანდი რე თეატრი დო თიში ნაჟირალი, ნამუთ ესეეფიშ კათელი რე დო ნამუთ იკათუანს არტოშ არძა შინელი თეატრალურ ნახანდის, თაშნეშე კონწარი თეატრიშ მანიფესტის.

დებადჷ მარსელს. ბაღანობაშე მენტალურო ქიდელახჷ. ჸათეშ გეშათ ართი პერიოდის ფსიქიატრიულს ხოლო ჯანუდჷ. ჭარალუათ ორდოიანი წანეფიშე დეინტერესჷ. დუდშე სიურრეალისტეფს ოკათუდჷ მარა უკულ თინეფიშე დისტანცირებულქ იჸუ. 1930-იან წანეფიშე შარალენდჷ მექსიკას, ირლანდიას. ღურუ კიბოთ 1948 წანაშ 4 მელახის, 51 წანერქ. დასაფულებური რე მარსელიშ სენ-პერიშ სასაფლას.

რესურსეფი ინტერნეტის[რედაქტირაფა | წყუშ რედაქტირაფა]