დინორეშა გინულა

არამ ხაჩატურიანი

ვიკიპედიაშე
არამ ხაჩატურიანი
სომხ. Արամ Խաչատրյան
რუს. Арам Ильич Хачатурян

არამ ხაჩატურიანი 1971 წანას
მოღალობა

კომპოზიტორი, დირიჟორი

ბიოგრაფიული ჩინებეფი
დაბადებაშ თარიღი

6 მანგი, 1903

დაბადებაშ აბანი

ქართი, ქართიშ გუბერნია, რუსეთიშ იმპერია

ღურაშ თარიღი

მესი 1, 1978 (74 წანერი)

ღურაშ აბანი

მოსკოვი, რსფსრ, სსრრ

ნთხორუაშ აბანი

კომიტასიშ პანთეონი

მენოღალობა

რუსეთიშ იმპერია
სხუნუეფიშ რსხუშ შილა სსრრ

ერუანობა

სომეხი

ჯილდოეფი:

რსული ერკებული


არამ ხაჩატურიანი (სომხ. Արամ Խաչատրյան, რუს. Арам Ильич Хачатурян; დ. 6 მანგი [ჯვ.სტ. 24 მესი], 1903, ქართი, ქართიშ გუბერნია, რუსეთიშ იმპერია — ღ. 1 მესი, 1978, მოსკოვი, რსფსრ, სსრრ) — სომეხი კომპოზიტორი დო დირიჟორი, სსრრ-შ ართ-ართი უდიდაში დო გოლინიანი კომპოზიტორი.

ბიოგრაფია[რედაქტირაფა | წყუშ რედაქტირაფა]

ხაჩატურიანიქ დებადჷ ქართის, სომეხეფიშ ფანიას. 1921 წანას ოცხოვრებშა მოსკოვშა გეგნორთჷ, სოდეთ გურაფულენდჷ დიო გნესინიშ სახენწჷფო სამუსიკო კოლეჯის დო უკულ მოსკოვიშ კონსერვატორიას.

არამ ხაჩატურიანიშ მუსიკალურ ნაწარმებეფიშე ეიოშანალი რე: "პიანინოშ კონცერტი" (1936), "ვიოლინოშ კონცერტი" (1940), "ჩელოშ კონცერტი" (1946), თაშნეშე "მასკარადი" (1941), სომხეთიშ სსრ-შ ჰიმნი (1944), სუმი სიმფონია (1935, 1943, 1947) დო მუსიკალური კომპოზიციეფი 25 კინო-ფილმიშო. ხაჩატურიანს დიდი პოპულარობა მოუღჷ ბალეტეფქ: "გაიანე" (1942) დო "სპარტაკი" (1954). გაიანეშ ფინალური აქტის "ლეკურეფით სხაპუა" უღუდჷ დო ასე ხოლო უღუ პოპულარობა მოსოფელიშ მასშტაბით. ხაჩატურიანიშ სტილი იხასიათებუ მიარე ჰარმონიათ, რიტმით, იმპროვიზაციათ დო მელოდიურობათ.

არამ ხაჩატურიანს, მუში კარიერას გოძვენას, 1930-იან წანეფიშე უკინებუდჷ შხვადოშხვა პოსტეფი სსრრ-შ კომპოზიტორეფიშ რსხუს. 1943 წანაშე რდჷ სსრრ-შ კომუნისტური პარტიაშ მაკათური.

1948 წანას სსრრ-შ რეჟიმქ ხაჩატურიანიშ (თაშნეშე შხვა კომპოზიტორეფიშ: სერგეი პროკოფიევიშ, დიმიტრი შოსტაკოვიჩიშ) ნაწარმებეფი ანტიკომუნისტურო მირჩქინჷ, მარა მალას რეაბილიტირებულქ იჸუ.

1950-იან წანეფიშე ხაჩატურიანქ დირიჟორობა ქიდიჭყჷ დო უღუდჷ ტურნეეფი ევროპას, ააშ-ს, ლათინურ ამერიკას. 1957 წანას ხაჩატურიანქ გიშაგორილქ იჸუ სსრრ-შ კომპოზიტორეფიშ რსხუშ მელამოსეთ. ჸათე პოსტი თის ღურაშახ უკინებუდჷ. ხაჩატურიანი თაშნეშე რდჷ მოსკოვიშ კონსერვატორიაშ პროფესორი.

არამ ხაჩატურიანი რდჷ შხვადოშხვა სახენწჷფო, საირქიანო ჯილდოეფიშ დო პრემიეფიშ ლაურეატი. ხაჩატურიანიქ ღურუ 1978 წანაშ 1 მესის, 74 წანერქ. დასაფულებური რე ერევანიშ კომიტასიშ პანთეონს.

ჯილდოეფი დო პრემიეფი[რედაქტირაფა | წყუშ რედაქტირაფა]

სსრრ[რედაქტირაფა | წყუშ რედაქტირაფა]

შხვა ქიანეფი[რედაქტირაფა | წყუშ რედაქტირაფა]

  • არაბეფიშ გოართოიანაფილი რესპუბლიკაშ ხელუანობაშ დო მენცარობაშ ორდენი (1961)
  • პაპი იოანე XXIII–შ მენდალი (1963)
  • ირანიშ შაჰიშ მენდალი (1965)
  • პოლონეთიშ სახარხო რესპუბლიკაშ დამსახურებული არტისტი (1972, პოლონეთის კულტურაშა მიშაღალირი თიაშო)
  • ხელუანობაშ დო ლიტერატურაშ ორდენი (საფრანგეთი) დო კომანდორიშ ტიტული (1974)

აკადემიური ტიტულეფი[რედაქტირაფა | წყუშ რედაქტირაფა]

  • მუსიკაშ პროფესორი — 1950
  • წიმინდე ცეცილიაშ ერუანული აკადემიაშ საპატიო მაკათური, რომი, იტალია — 1960
  • გდრ-შ ხელუანობეფიშ აკადემიაშ მაკათური-კორესპონდენტი — 1961
  • მუსიკაშ ერუანული კონსერვატორიაშ საპატიო პროფესორი, მექსიკა — 1960
  • სომხეთიშ სსრ-შ მენცარობეფიშ აკადემიაშ აკადემიკოსი — 1963
  • ხელუანობეფიშ დოქტორი (სსრრ-შ მენცარობეფიშ აკადემია) — 1965

რესურსეფი ინტერნეტის[რედაქტირაფა | წყუშ რედაქტირაფა]

ვიკიოწკარუეს? რე ხასჷლა თემაშენ: