ასტრიდ ლინდგრენი

ასტრიდ ლინდგრენი
	ასტრიდ ლინდგრენი
დაბადებაშ თარიღი:	14 გერგობათუთა, 1907
დაბადებაშ აბანი:	ვიმერბიუ, კალმარი, შვედეთი
ღურაშ თარიღი:	ღურთუთა 28, 2002 (94 წანერი)
ღურაშ აბანი:	სტოკჰოლმი, შვედეთი
ერუანობა:	შვედი
საქვარუა:	ჭარუ
პერიოდი :	1944–1993
Magnum opus:	პეპი გინძეთათმანი; ლიონებერგალი ემილი; ორთვალს მახორუ კარლსონი; ბიულერბიუარი ბაღანეფი; მიო, ჩქიმი მიო; რონია, აბრაგიშ ცირასქუა; ნჯილოშგურამი ჯიმალეფი; კალე ბლომქვისტი;
ჟანრი:	ბაღანეფიშ ლიტერატურა
ნინა:	შვედური ნინა
ჯილდოეფი:	ჰანს ქრისტიან ანდერსენიშ პრემია (1958); პრემია თინუ რინაშ გეშა (1994)

ასტრიდ ანა ემილია ლინდგრენი (შვედ. Astrid Anna Emilia Lindgren; დაბადებაშ გვარი: ერიქსონი, შვედ. Ericsson; დ. 14 გერგობათუთა, 1907, ვიმერბიუ, კალმარი, შვედეთი — ღ. 28 ღურთუთა, 2002, სტოკჰოლმი, შვედეთი) — შვედი ჭარუ. შინელი რე ბაღანეფიშ ლიტერატურაშ ჟანრიშ წინგეფიშ სერიათ, ნამუეფიშ თარი პერსონაჟეფიე: "პეპი გინძეთათმანი", "ლიონებერგალი ემილი", "კარლსონი", "ბიულერბიუარი ბაღანეფი", დო თაშნეშე ბაღანეფი ფენტეზიშ ჟანრიშ რომანეფით: "მიო, ჩქიმი მიო", "რონია, აბრაგიშ ცირასქუა" დო "ნჯილოშგურამი ჯიმალეფი". ლინდგრენი 30-შე უმოსი წინგიშ ავტორიე. თიში ნაჭარეფი თანგილი რე მოსოფელიშ 95 ნინაშა დო გიმოჩამილი რე წინგეფიშ დოხოლაფირო 167 მილიონი ეგზემპლარი.

ასტრიდ ლინდგრენი რდჷ ბრელი პრესტიჟული ჟილდოშ დო პრემიაშ ლაურეატი. შხვადოშხვა ბორჯის მიპალუ ლიტერატურაშ დო ხელუანობეფიშ მენდალი, სელმა ლაგერლიოფიშ პრემია, ჰანს ქრისტიან ანდერსენიშ პრემია დო შხვა. 1994 წანას გინოჩეს პრემია თინუ რინაშ გეშა.

1967 წანას დირსხუ ასტრიდ ლინდგრენიშ პრემიაქ. 2002 წანას შვედეთიშ თარობაქ დარსხუ ასტრიდ ლინდგრენიშ მემორიალური პრემია. ლინდგრენიშ ჯოხონობაშ რე ართი ასტეროიდი. ლინდგრენიშ ნახანდეფიშ სიუჟეტეფს გერსხილი რე ბრელი კინო-ფილმი.