ატილა

	ატილა
	; ატილა (ილუსტრირაფილი ქრონიკა, 1358)
ჰუნეფიშ მამართალი
პოსტის გერინაშ ბორჯი
	434 – 453
წიმოხონი	ბლედა; რუგილა
მონძე	ელაკი; დენგიზიკი; ერნაკი
ნაღურა	დოხოლაფირო 453 (46-47 წანერი);
მუმა	მუნძუკი
ალმასქუ	კრეკა; ილდიკო

ატილა (დ. დოხოლაფირო 406 — ღ. დოხ. 453) — ჰუნეფიშ მამართალი 434-453 წანეფს. მუში ხეშუულებაშ თუდო აკაართიანჷ ცენტრალური დო ბჟაეიოლი ევროპაშ შხვადოშხვა კათეფი: ჰუნეფი, ოსტგოთეფი, ალანეფი, ბულგარეფი დო შხვეფი. ატილა რდჷ ჰუნეფი მანჯღვერიშ რუგილაშ ჯიმასქუა. რუგილაშ ღურაშ უკულ, 435 წანას თიში მონძეეფო გინირთეს ატილაქ დო ატილაშ უნჩაში ჯიმა ბლედაქ.

445 წანას დოღურჷ ბლედაქ დო ატილაქ გინირთჷ ჰუნეფიშ ხვალახე მამართალო. გოთი ისტორიკოსი იორდანისიშ ნტკიცებათ ბლედა ჸვილუ ატილაქ. ჰუნეფი სერიოზული საფრთხე რდჷ ბჟადალი დო ბჟაეიოლი რომიშ იმპერიაშო. ატილაქ მუში ჯარით ჟირშა გეგნოკვათუ დუნაი, მოჯალაგუ ბალკანეთი, მარა კონსტანტინოპოლქ ვეიაჭოფუ. ბჟაეიოლი რომიშ იმპერიაშ მეხჷ წჷმოძინელი ოურდუმე ექსპედიციაშ უკულ, ატილაქ წიმიჭყჷ კამპანია ბჟადალი რომიშ იმპერიაშ მეხჷ. 451 წანას ატილაქ გეგნოკვათუ რაინი, გალიაშა გემშეჭკირჷ, ქიმერთჷ აურელიანუმიშა (თეხანური ორლეანი). 451 წანაშ 20 მანგის მოხვადჷ გინმაჭყვიდალი ლჷმაქ, სოდეთ რომალეფქ დო ვესტგოთეფქ აეციუსიშ დო თეოდორიხიშ ხემანჯღვერობათ დამარცხეს ატილა.

უკულიანი პერიოდის ატილაქ გემშეჭკირჷ იტალიაშა დო მოჯალაგუ ოორუე რეგიონეფი, მარა ვეშიალებუ რომიშ ეჭოფუაქ. ატილას ულამუდჷ ახალი ოურდუმე კამპანიეფიშ წჷმოჭყაფა რომიშ იმპერიაშ მეხჷ, მარა 453 წანას დოღურჷ. ატილაშ ღურაშ უკულ, ბჟაეიოლი გერმანული ტომეფიშ გეპიდეფიშ ხემანჯღვერქ, ატილაშ ჸოფილი მაჸალექ არდარიხიქ ეარყჷ ჰუნეფიშ მეხჷ. შედეგო ჰუნეფიშ იმპერიაქ აკოცუ.

ლიტერატურა[რედაქტირაფა | წყუშ რედაქტირაფა]

ენციკლოპედია ბრიტანიკა

ათე სტატია მერკე რე.
თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ.