ბართლომეშ სერი
ბართლომეშ სერი (ფრანგ. Massacre de la Saint-Barthélemy) — ჰუგენოტეფიშ მასობური ჸვილუა, ნამუთ მანწყის კათოლიკეეფქ, 1572 წანაშ 23-24 კვირკვეს, ბართლომე მოჩქვაფირიშ დღახუობაშ წოხოლენი სერს.
ბართლომეშ სერიშ ინიციატორი რდჷ საფრანგეთიშ მაფაშ შარლ IX-შ დიდა ეკატერინე მედიჩი.
1572 წანაშ 18 მარაშინათუთას, მაფაშ და მარგარიტა დე ვალუა ოსურო მეჸუნდჷ ნავარიშ პროტესტანტი მაფას ანრი III-ს. ჸათეშ გეშათ ბრელი დინდარი დო გოლინიანი პროტესტანტი რდჷ მულირი პარიზიშა. ჰუგენოტეფიშ ჭყვიდუაქ დიჭყჷ დიო პარიზის დო უკულ გიფაჩჷ საფრანგეთიშ შხვა ნოღეფს, თაშნეშე ოფუტეეფს. მასობური მოჯალაგუა იგინძორებუდჷ მარეფიშ გოძვენას. თეხანური მუნაჩემეფით ბართლომეშ სერიშ შედეგო დოღურჷ დოხოლაფირო 30,000-შახ ადამიერქ. ღურელეფს შქას რდჷ ჰუგენოტეფიშ ბრელი პოლიტიკური დო ოურდუმე ლიდერი. ჸათე მოლინეფქ ძალამს დაღამაკუ ჰუგენოტეფუშ პოლიტიკური გემაჸვენჯობა საფრანგეთის. ბართლომეშ სერი საფრანგეთიშ რელიგიური ლჷმეფიშ ართ-ართი შანულამი მოლინა რდჷ.