ბეგლარ აკობია

ბეგლარ აკობია (დ. 1881, ზუგდიდის რაიონიშ ოფუტე კახათი – ღ. 18 პირელი, 1947) ფოკლორისტი, ლოტბარი.

1881 წანას ზუგდიდიწკჷმა ხოლოს, კახათის დებადჷ. ფანიაშ ღარტაკობაშ გეშა ბეგლარს გურაფაშ კვარზალი ვა უღუდჷ დო დიდი გონათაფა ვა შიებჷ. 1910 წანას გეჩინებაფუ მუსიკაშ ქვერსემი მოჸოროფე - 16 წანერი ქიონია ბარამია. მორდუ კოჩი გაშერჷ ქიონიაშ მუსიკალურ ტალანტიქ დო მალას ოსურო ქიმიჸონჷ. ჩილი დო ქომონჯი ჩქინობურა ჩონგურიშ აკონწყუალა-პოპულარიზაციაშ საქვარს პიონერეფო იკოროცხუნა. კათურ ბირაშ მოჸოროფე ბეგლარ დო ქიონია ქვერსემი ორსანტობათ მიოგანდეს ჩონგურს. 1930 წანაშე მეჩონგურეეფიშ ვითოჟირ მაკათურამ ანსამბლიქ, „მარგალ მეჩონგურეეფიშ“ ჯოხოთ კათური ბირეფიშ გოსოფური რეპერტუარით ქაწუდირთჷ მარჩქილეს. 1939 წანას ბეგლარ აკობიაშ ანსამბლიქ ქართიშა ქომორთჷ, სოდეთ ქვერსემი მოწონაქ აშუ. თე ანსამბლიშ გოსოფურობაშ დო რწკინუაშ ბაძაძი თინა რდჷ, ნამდა შხვა ანსამბლეფიშ გინაწონს თენა კათური კოლორიტით, უგუსქვამებუო, ხეუმეთხუმუო არსულენდჷ ხვალე მარგალურს ვარინ, შონურ, აფხაზურ, გურულ დო შხვა კუნთხუეფიშ კათურ ბირეფსჷთ. ბეგლარ აკობიაქ ღურჷ 1947 წანაშ 18 პირელს.

ბიბლიოგრაფია

ბუკია, გოდერძი (editor). ქართული ხალხური სიმღერის ოსტატები. A: ეკატერინე სანიკიძე. „ქიონია და ბეგლარ აკობიეფი“ (pdf 4.4 MB). თბილისი: „საქართველოს მაცნე“, 2005, სამეგრელო, III, ხხ. 41-64 ((ქორთ.)), 271 ((ინგლ.)).

გალენი რცხუეფი

ბეგლარ აკობია on Tbilisi.gov.ge ((ქორთ.))
ბეგლარ აკობია on ქართიშ სახენწჷფო კონსერვატორიაწკუმა რსხუაფილი ტრადიციული მიარეხონარუაშ რკვიებაშ ოერეფოშქარე ცენტრი ((ქორთ.))
ბეგლარ აკობია on .::მარგალურ მედია::. მარგალურ მედიაშ გალერეა ((ქორთ.))
საქართველოს ფოლკლორის სახელმწიფო ცენტრი, მუსიკა: მომღერლები, ლოტბარები (ქორთ.)