ბენიტო მუსოლინი
ბენიტო ამილკარე ანდრეა მუსოლინი (იტალ.: Benito Amilcare Andrea Mussolini) (დ. 29 კვირკვე, 1883, პრედაპიო (ფორლი), იტალია – ღ. 28 პირელი, 1945, ჯულინო დი მეცეგრა (კომო), იტალია) — იტალიაშ ფაშისტი დიქტატორი 1922-1943 წანეფს.
ბენიტო მუსოლინიქ დებადჷ ცენტრალურ იტალიას რომანიაშ ჭიჭე ოფუტეს, ნოღა ფორლიშ გოხოლუას 1883 წანაშ 29 კვირკვეს. მუმა, ალესანდრო ჭკადუ რდჷ, ნანა, როზა - ოფუტეშ მაგურაფალი რდჷ. მუში მუმა სოციალისტურ პარტიაშ აქტიური მაკათური რდჷ დო მუშ უნჩაშ სქუას ქიგიოდუ ბენიტო ამილკარე ანდრეა - მექსიკარი რევოლუციონერ ბენიტო ხუარესიშ, ჩინებული ანარქისტიშ ამილკარე ჩიპრიანოშ დო იტალიურ სოციალისტურ პარტიაშ დჷმარცხუაფალიშ ანდრეა კოსტაშ პატიშოცემელო. ბენიტო გაჭირებულ ფანიას ირდუდუ დო დუდშე მუშ მუმას ოხვარუდჷ ჭკადუას. ბენიტო გჷშარჩქინელი რდჷ აგრესიული ტემპერამენტით, მარა მუში მოჯგჷრეეფი დო ხოლოშიანეფიშ ჸურე სიტჷბა ახასიათენდჷ. 18 წანერ რდჷნ თეში, ბენიტოქ პედაგოგიშ დიპლომი გეჭოფუ. პედაგოგობა გურს ვეგიოხანტჷდჷ სოციალისტური დო ანარქისტული იდეეფით დოჭაჭილ ახალმარდუს, ნამუსჷთ ოპეკჷდჷ ხულიგანური ფათერაკეფი.
1902 წანას შვეიცარიას ქაფორუ დუდი, ჯარშე დუდიშ ეიოჩილითაფარო. თაქ თინა მუშენდჷ მუშათ. თაქ მუქ გამორსჷ შქჷრენა, უჸუდობა, უნებობა, მარა კვათიერ ვეწებოშიქ მალას დოგორჷ მუში ოსქვამური საქვარი. მუშეფშქას გჷშარჩქინელი რდჷ კვათიერობათ დო მეუზალეს პროფრსხუშ ომელამოსეს მუშობა. თე ბორჯის დიჭყჷ სტატიეფიშ ჭარუა, ნამუეფსჷთ ქადაგენდჷ ანარქიული სოციალიზმიშ მუშობურა გაგებას დო გუმოხანტჷნდჷ მუშ ანტიკლერიკალიზმის დო შელებუანი კლასეფიშ ნტერობას. კითხულენდჷ ბრელს. კითხულენდჷ მარქსის, კაუცკის, შოპეიჰაუერს, ნიცშეს, ბლანკის, სორელს, კროპოტკინს, ბაკუნინს... უკულ გინილ კანტშა, ჰეგელშა, სპინოზაშა... მუსოლინი ბრელშა რდჷ ჭოფილი მუშ საქვარუაშენი. მუსოლინი ლექციეფშა გილეშჷ ლოზანაშა დო ჟენევაშა. ქჷდიგურუ გერმანული, ფრანგული ესპანური დო ინგლისური ნინეფ.
1904 წანას იტალიაშ მაფაქ ამნისტია გაგჷმუცხადჷ დეზერტირეფს დო მუსოლინიქ ოდაბადეშა დირთჷ. თე ბორჯის მუს პოლიტიკური ექსტრემისტიშ რეპუტაცია უღუდჷ. 25 წანერი „მაჸალე მუსოლინი“ იბეშტუდჷ რევოლუციურ - ინტერნაციონალისტურ გჷმოჩამას „მახანდეშ მუმალი“ (Avenire del Lavoratore). მუსოლინიქ თარობაშა ძალაშ გჷმორინაფაშ შარათ მორთჷ. დუდშე მუშ 25 000 "სკვადრისტის" უზოჯჷ ჸუდეეფშა ულა, ნამუეფით რომიშ ხოლოს რდეს ტყობინელი. მიდგაქ მუთუნ დაშუნ, არძა დასაჯჷ. ათეთ მუქ ქაძირუ, ნამდა ხვალე ფაშისტეფიშ ვარ, თელ იტალიაშ ლიდერი რდჷნ. თარობაშა მუსოლინიქ ფაშისტეფწკჷმა ართო, შხვა პარტიეფიშ მაკათურეფი ხოლო გემშეჸონჷ. მუშ ხემანჯღვერობაშ თუდო ქიდიტუ გალეიან საქვარეფიშ, დინოხოლენი საქვარეფიშ, აკოანჯარაფილი ნძალეფიშ დო კორპორაციეფიშ ომინისტრეეფი. მუსოლინიშ რეფორმეფქ ჯგირობუა მოუღჷ იტალიას. მუშეფქ დართეს ჩარხეფს, სტუდენტეფქ წინგეფს, ქარხანეფქ ემუშეს.
1923 წანას დოთირუ 1848 წანაშ კონსტიტუცია.
მუსოლინი გორხვეს 1945 წანაშ პირელს პარტიზანეფქ.
რესურსეფი ინტერნეტის
[რედაქტირაფა | წყუშ რედაქტირაფა]- Benito Mussolini in pictures Archived 2009-04-17 ვებ-ხასჷლას Wayback Machine.
- Comando Supremo: Benito Mussolini
- Did Mussolini really make the trains run on time?
- Is Mussolini quote on corporatism accurate?
- Benito Mussolini Speeches
- Michael Schirru's failed attempt on Mussolini's life
- Il Duce 'sought Hitler ban' September 2003 BBC News
- Mussolini shaking hands with King George V. of England, 1923, The Illustrated London News
- Mussolini's Piazza Augusto Imperatore