ბერნარდო ალბერტო უსაი

ბერნარდო ალბერტო უსაი
	ბერნარდო ალბერტო უსაი
	ესპ. Bernardo Alberto Houssay
დაბადებაშ თარიღი:	10 პირელი, 1887
დაბადებაშ აბანი:	ბუენოს–აირესი, არგენტინა
ღურაშ თარიღი:	ეკენია 21, 1971 (84 წანერი)
ღურაშ აბანი:	ბუენოს-აირესი, არგენტინა
მენოღალობა:	არგენტინა
ომენცარე სფერო:	ფიზიოლოგია; ენდოკრინოლოგია
სამუშაშ აბანი :	ბუენოს-აირესიშ უნივერსიტეტი
ალმა-მატერი:	ბუენოს-აირესიშ უნივერსიტეტი
ჯოხოშინელი მოგურაფეეფი:	ედუარდო ბრაუნ-მენენდესი
ჯილდოეფი დო პრემიეფი:	ნობელიშ პრემია ფიზიოლოგიაშ დო მედიცინაშ დარგის (1947); ჯეიმს კუკიშ მენდალი (1948); დეილიშ მენდალი (1960); მენცარობეფიშ ერუანული აკადემიაშ ურცხოალი მაკათური (1940); ამერიკაშ ხელუანობეფიშ დო მენცარობეფიშ აკადემიაშ საპატიო ურცხოალი მაკათური (1941); ლონდონიშ ომაფე ჯარალუაშ ურცხოალი მაკათური (1943); საფრანგეთიშ მენცარობეფიშ აკადემიაშ ურცხოალი მაკათური (1955)

ბერნარდო ალბერტო უსაი (ესპ. Bernardo Alberto Houssay; დ. 10 პირელი, 1887 — ღ. 21 ეკენია, 1971) — არგენტინალი ფიზიოლოგი. გიმირკვიუ ჰიპოფიზიშ ჰორმონეფიშ როლი გლუკოზაშ რეგულაციაშო. ჸათე რკვიებეფიშ გეშათ გინოჩეს ნობელიშ პრემია ფიზიოლოგიაშ დო მედიცინაშ დარგის 1947 წანას. უსაიქ პრემია მიპალუ კარლ ფერდინანდ კორი დო გერტი კორიწკჷმა ართო. უსაი რდჷ მაართა ლათინური ამერიკალი, ნამუქჷთ მიპალუ ნობელიშ პრემია მენცარობეფიშ დარგეფს.

დებადჷ ბუენოს-აირესის. გურაფულენდჷ მედიცინას ბუენოს-აირესიშ უნივერსიტეტის, სოდეთ თხილუ ოდოქტორე დისერტაცია. მუშენდჷ ბუენოს-აირესიშ უნივერსიტეტის, თაშნეშე ექსპერიმენტული მედიცინაშ დო ბიოლოგიაშ ინსტიტუტის (ნამუთ თიქ დარსხუ). უსაი 1956 წანაშე ნინალენდჷ ერუანული მენცარული დო ტექნიკური რკვიებეფიშ სხუნუშ დირექტორო.

ბერნარდო ალბერტო უსაი რე დოხოლაფირო 600 ომენცარე ნახანდიშ ავტორი. თიში არძაშე უმოსო შანულამი დო პოპულარული ნახანდი რე "ადამიერიშ ფიზიოლოგია" (1951).

რესურსეფი ინტერნეტის[რედაქტირაფა | წყუშ რედაქტირაფა]