ბრეტანი

ვიკიპედია-შე
Jump to navigation Jump to search
ბრეტანიშ აბანდვალა საფრანგეთის

ბრეტანი (ფრანგ. Bretagne, ბრეტ. Breizh) — რეგიონი საფრანგეთიშ ოორუე-ბჟადალს, ბრეტანიშ ჩქონს, ატლანტიშ ოკიანეშ ოძგაშეს. აკმოდირთუ 4 დეპარტამენტიშე: კოტ-დ’არმორი, ფინისტერი, ილი დო ვილენი, მორბიანი. ისტორიულო ბრეტონიაშა მიშმეშჷ თაშნეშიშე ხოლო ართი დეპარტამენტიშ ტერიტორია: ატლანტიაშ ლუარა.

  • ფართობი - 27,2 ვითოში კვ.კმ.,
  • მახორობა - 2,9 მლნ.
  • ნოღეფი: რენი, კიმპერი, სენ-ბრიე, ვანი. ბრეტანიშ არძაშე უდიდაში ნოღა რე ნანტი.
  • ნინა - ფრანგული ოფიციალური რე, მარა თაქ გოფაჩილიე თაშნეშე ბრეტონული ნინა. ისტორიულ ბრეტანს თე ნინაშა მუზმარენ ოშარი ვითოში ადამიერი იჩიებუ.

იულიუს კეისარიშ ეჭოფუაშ უკული (ახალ წანაშეჭარუათ 56), გინირთჷ გალო-რომაული პროვინცია არმორიკო. თინეფიშ ულაშ უკულნეშე გეუკოჩიერჷ. ეკონწყილქ იჸუ ბრეტანიშ ჯოხოთ კელტეფიშით, ნამუეფქჷთ აკინტეს ბრიტანეთიშე ანგლო-საქსეფიშ მუშაცჷმაშ უკულნეშე (მა-5 ოშწანურა.). ნორმანეფიშ, კაროლინგეფიშ დო კაპეტიდეფიშ ჟინჭირაშ უმკუჯინუო, ეთმისქილიდუანდეს კულტურულ დო პოლიტიკურ ზოხორინალას. ანექსირაფილქ იჸუ საფრანგეთიშე 1547 წანას. მაჟირა მოსოფელიშ ლჷმაშ უკულნეშე თაქ სეპარატისტულ ყარაფიქ ქჷდიჭყჷ.

რესურსეფი ინტერნეტის[რედაქტირაფა | წყუშ რედაქტირაფა]


wikistub ათე სტატია მერკე რე.
თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათ.