ბუკერიშ პრემია
ბუკერიშ პრემია (ინგლ. Booker Prize) — არძაშე პრესტიჟული ჯილდო მოსოფელს ინგლისურ ლიტერატურას. ერზიებუ ავტორს, ნამუთ წორომაჸალობაშ ქიანეფიშ ვარდა ირლანდიაშ რესპუბლიკაშ მენოღალე რე, ინგლისურ ნინაშა ჭარილი რომანიშო. პრემიას გეჸუნს ფარამი ჯილდო 50 ვითოში ფუნტი სტერლინგიშ მუდანობათ (2002 წანაშახ 21 ატარი ფუნტი რდჷ). მაართა პრემიაქ გინიჩჷ 1969 წანას. 2002 წანაშე ბუკერიშ პრემიაშ სპონსორიე კომპანიეფიშ კონცერნი მენი, შედეგო თიში ედომუშამი ოფიციალური ჯოხო რე The Man Booker Prize.
პრემიაშ მერზება გეჸვენჯი სქემათ მუთმოხვადუ. დუდმაართათ ირწანურო გოახალაფონი საკონსულტაციო კომიტეტი, ნამუშათ მიშმურს ჟირი იშმაშქუმალარი დო ართ წუმმარინაფალი ჭარუეფიშ, ლიტერატურულ აგენტეფიშ, კინომაწარმეეფიშ, ბიბლიოთეკეფიშ დო კინე ბუკერიშ პრემიაშ ფონდიშ, ოდგინანს დოხოლ. 100 წინგიშ ერკებულს. კინე თი კომიტეტი ანტკიცენს ხუთ მაკათურამ ჟიურის, ნამუშ მაკათურეფი, მუჭოთ წესი, გინმირთუნა მაჸვენჯი ლიტერატურული კრიტოკოსეფი დო ჭარუეფი, ენცარეფიშ ღირსამი წუმმარინაფალეფი, გოლინამი ოჯარალე ფიგურეფი. მარაშინათუთას ჟიური თ.გ. ლონგ-ლისტის (გჷრძე ერკებული) გჷმაბჟინუანს, ნამუშათ 25-შახ კანდიდატიე მიშულირი, ხოლო ეკენიას თე ერკებულშე ამშვი მაკათური პრემიაშ შორტ-ლისტიშა (მერკე ერკებული) მიშმურს. ბუკერიშ პრემიაშ გუმორძგვილი იცხადებუაფუ გჷმათუთას სპეციალურ ცერემონიას.
ბუკერიშ პრემიაშ ოთხი მაღვენჯიქ - უილიამ გოლდინგიქ, ნადინ გორდიმერქ, ვ. ს. ჰაიპოლქ დო ჯორჯ კუტზეექ - უკული ნობელიშ პრემიაშ ლაურეატეფო გინირთეს ლიტერატურაშ დარგის. 1999 წანას ჯორჯ კუტზეე მაართა ჭარუ რდჷ, ნამუქჷთ ბუკერიშ პრემია ჟირშა ეჭოფუ. ჟირ წანამოწანას თე მეჭირნაფა გამაჟირუ ავსტრალიალ ჭარუქ პიტერ კერიქ.
რესურსეფი ინტერნეტის
[რედაქტირაფა | წყუშ რედაქტირაფა]
|
თე სტატია ლიტერატურაშ დო ლიტერატურული ნახანდიშ გეშა დიოდღარო მერკე რე. თქვა შეგილებუნა ქუმმეხვარათ დო აკაფშათ თინა. |