გაბრიელ ატალი
| გაბრიელ ატალი | ||
 ატალი 2023 წანას | ||
| საფრანგეთიშ პრემიერ-მინისტრი | ||
|---|---|---|
| პოსტის გერინაშ ბორჯი | ||
| 9 ღურთუთა, 2024 – 5 ეკენია,2024 | ||
| პრეზიდენტი | ემანუელ მაკრონი | |
| წიმოხონი | ელისაბედ ბორნი | |
| მონძე | მიშელ ბარნიე | |
საფრანგეთიშ ერუანული გონათუაშ დო ახალნორდალაშ მინისტრი | ||
| პოსტის გერინაშ ბორჯი | ||
| 20 კვირკვე, 2023 – 9 ღურთუთა, 2024 | ||
| პრემიერ-მინისტრი | ელისაბედ ბორნი | |
| წიმოხონი | პაპ ნდიაი | |
| მონძე | ამელი უდეა-კასტერა | |
| დუნაბადი | 16 მელახი, 1989 კლამარი, პარიზი, საფრანგეთი | |
| პოლიტიკური პარტია | საფრანგეთიშ სოციალისტური პარტია (2006-2016) რენესანსი (2016-შე) | |
| ალმასქუ | სტეფან სეჟურნე (2015-2022) | |
| გონათაფა | პანთეონ-ასასიშ უნივერსიტეტი | |
| ხეშმოჭარუა |  | |
გაბრიელ ატალი (ფრანგ. Gabriel Attal; დ. 16 მელახი, 1989, პარიზი, საფრანგეთი) — ფრანგი პოლიტიკოსი, საფრანგეთიშ პრემიერ-მინისტრი 2024 წანაშ 9 ღურთუთაშე 5 ეკენიაშახ.
2017 წნანაშ მანგის, ერუანულ ასამბლეას გიშაგორუაშ უკული ატალქ ბიწორას წჷმიკინუ პოლიტიკურ კარიერას. 2018 წეანას გინირთჷ ერუანული გონათუაშ დო ახალნორდალაშ მინისტრიშ გამა კოჩო, ნამუშ შედეგო თიქ გჷნირთუ არძაშე ახალნორდ მინისტრო საფრანგეთიშ თარობაშ ისტორიას. 2020 წანას გჷნირთუ თარობაშ სპიკერო, 2022 წანას — ოჯარალე ქიმინუეფიშ დო ანგარიშეფიშ მინისტრო დო 2023 წანას — ერუანული გონათუაშ დო ახალნორდალაშ მინისტრო.[1]
2024 წანაშ 9 ღურთუთას, ატალი საფრანგეთიშ პრეზიდენტ ემანუელ მაკრონქ ქდარინუ ელისაბედ ბორნიშ მათირალო, საფრანგეთიშ პრემიერ-მინისტრიშ პოსტის.[2] 34 წანაშ ხანს, თიქ გჷნირთუ არძაშე ახალნორდ დო პირველი ღილეთ გეი G7-იშ ლიდერო (მუჭოთ საფრანგეთიშ პრემიერ-მინისტრო), თაშნეშე მოსოფელიშ მაჩხორა ღილეთ ლგბტ დო არძაშე ახალნორდ სახენწჷფოშ ვარ-და თარობაშ მადუდეთ.[3]
ატალი ართ-ართი არძაშე პოპულარული პოლიტიკოსი რე საფრანგეთს დო ფრანგული მედია ვარაუდენს, ნამჷ-და თინა რე 2027 წანაშ საფრანგეთიშ საპრეზიდენტე გიშაგორუეფიშ პოტენციური კანდიდატი დო მაკრონიშ მონძე.[4]
სქოლიო
[რედაქტირაფა | წყუშ რედაქტირაფა]- ↑ Lemarié, Alexandre. “Gabriel Attal, Secretary of State at Blanquer“, Le Monde, 16 October 2018. კითხირიშ თარიღი: 26 October 2018. (fr)
- ↑ French PM resigns as Macron seeks to relaunch presidency (8 January 2024). კითხირიშ თარიღი: 9 January 2024.
- ↑ Willsher, Kim (9 January 2024). Who is Gabriel Attal, the French PM who climbed the ranks in record time?. კითხირიშ თარიღი: 9 January 2024.
- ↑ Attal: the 'new Macron' at helm of French government. France 24 (9 January 2024).