გალე (შრი-ლანკა)

ვიკიპედიაშე
ნოღა
გალე
სინჰ. ගාල්ල
ტამილ. காலி
ქიანა შრი-ლანკაშ შილა შრი-ლანკა
პროვინცია ობჟათე პროვინცია
კოორდ. 6°03′13″ ოორ. გ. 80°12′42″ ელ. გ. / 
მერი პტიანთა გ. საჰაბადუ
ფართობი 16.52 კმ²
ცენტრიშ სიმაღალა 0
მახორობა 93,118 კოჩი (2020)
მეჭედალა 5,712 კოჩი/კმ²
ეთნოქორონიმი გალეარი, გალეარეფი
ბორჯიშ ორტყაფუ UTC+5:30
ტელ. კოდი 091
ოფიციალური ვებ-ხასჷლა galle.mc.gov.lk/

გალე ორენი შრი-ლანკა

გალე
იუნესკოშ შილა მოსოფელიშ მონძალა
UNESCO, ობიექტი № 451
რუს.ინგლ.ფრ.

გალე (სინჰალ. ගාල්ල, ტამილ. காலி) — ნოღა ობჟათე-ბჟადალ შრი-ლანკას, ჸოფირი ნანანოღა კოლომბოშე 119 კმ-იშ მოჩილათათ, ობჟათე პროვინციაშ ნანანოღა. 2020 წანაშ მუნაჩემეფით, ნოღას 93,118 ადამიერი ოხორანს.

XVI ოშწანურაშახ, სოიშახ თაქ პორტუგალიარეფი მიშესჷნ, გალე კოკიშ თარი ონიშოლი რდჷ დო თის გიმჰატჰიტჰა ჯოხოდჷ. ნოღაშ მუში გოვითარაფაშ კონკის XVIII ოშწანურას, ნიდერლანდარეფიშ კოლონიურ პერიოდის მიოჭირინჷ.

გალე ევროპალეფიშით აკნაგეფჷ დუდოთხილე, გომანგარაფილი ნოღაშ საუჯგუშო სამანგა რე ედომუშამ ობჟათე აზიას, ნამუსჷთ წჷმორინაფილი რე ევროპული არქიტექტურაშ დო ობჟათე აზიური ტრადიციეფიშ ურთიართესვარუა. გალეშ ჯიხა 1988 წანაშე იუნესკოშ მოსოფელიშ მონძალაშ ერკებულშა რე მიშაღალირი, თინა ევროპალი ოკუპანტეფიშით აზიას აკოგაფილჷ უდიდაშ ჯიხას წჷმარინუანს.

თაშნეშე ქოძირით[რედაქტირაფა | წყუშ რედაქტირაფა]

რესურსეფი ინტერნეტის[რედაქტირაფა | წყუშ რედაქტირაფა]

ვიკიოწკარუეს? რე ხასჷლა თემაშენ: