გაჸოფიერაფა
გაჸოფიერაფა — გამეტეფიშ გოართოიანაფა, ნამუსჷთ უკულ მაჸუნუ ახალი ორგანიზმიშ ფორმირაფა დო გოვითარაფა. გაჸოფიერაფაშ ციკლის დო ახალი ინდივიდეფიშ გოვითარაფას სექსუალური რეპროდუქციას უძახჷნა.
ართ-ართი მაართა მენცარი ნამუქჷთ გაჸოფიერაფაშ რკვიებათ დეინტერესჷ, რდჷ ბერძენი ფილოსოფოსი არისტოტელე. არისტოტელეშ არზით ახალი ორგანიზმი გუთმორჩქინდუდჷ ოსურიშ დო ქომოლიშ ქვანთეფიშ (ქვანთი — სითხე) აკოართაფათ. აკოართაფაშ უკული ახალი ინდივიდიშ ფორმა დო ფუნქციეფი ივითარებუდჷ ბორჯიშ გოძვენას. ჸათე პროცესის არისტოტელე უძახჷდჷ ეპიგენეზის.
1784 წანას, ლაზარო სპალანცანიქ გიმირკვიუ გორდიშ ზიგოტაშ ფორმირაფაშ პროცესი დო დანტკიცჷ ნამდა ზიგოტაშ გოვითარაფაშო საჭირო რდჷ ოსურული დო ქომოლური გამეტეფიშ: მარქვალიშ დო სპერმატოზოიდიშ ართიანწკჷმა მერსხუაფა.
რესურსეფი ინტერნეტის[რედაქტირაფა | წყუშ რედაქტირაფა]
- გაჸოფიერაფაშ პროცესი (Youtube-იშ ვიდეო)