გიორგი დანელია
| გიორგი დანელია | |
 დანელია 2010 წანას | |
| ჯოხო დაბადებაშვანს |
გიორგი ნიკოლოზიშ სქი დანელია |
|---|---|
| მოღალობა |
არტისტი, კინორეჟისორი, სცენარისტი, პუბლიცისტი |
|
ბიოგრაფიული ჩინებეფი
| |
| დაბადებაშ თარიღი | |
| დაბადებაშ აბანი | |
| ღურაშ თარიღი |
პირელი 4, 2019 (88 წანერი) |
| ღურაშ აბანი | |
| ნთხორუაშ აბანი |
ნოვოდევიჩიშ საფულა (მოსკოვი) |
| ერუანობა | |
| ალმასქუ |
გალინა იურკოვა |
გიორგი დანელია (დ. 25 მარაშინათუთა, 1930, ქართი; — ღ. 4 პირელი, 2019[1], მოსკოვი, რუსეთი) — ქორთუ დო რუსი კინორეჟისორი, ჩინებული რე მუში „ნარღიამი კომედიეფით“, მუჭოთ კინ მუს უჯოხოდჷ დორხველი ნახანდეფშა.
გურაფულენდჷ მოსკოვიშ არქიტექტურულ ინსტიტუტოს დო ართი პერიოდი არქიტექტორო მუშენდჷ. თიში ფილმი „მა გილურქ მოსკოვს“ ნიკიტა მიხალკოვიშ კათაფათ ხრუშჩოვიშ გეტიბაფაშ პერიოდიშ ართ-ართი არძაშე დჷმახასიათაფალი ეჭარუა რე. დანელიაშ არძაშე პოპულარული ფილმეფი რე „მიმინო“ (1977), ქორთუ პილოტიშ დუდგინალიშ გეშა მოსკოვს, დო „დამორჩილიშ მარათონი“ (1980), მათანგალშე, ნამუთ ჩილს დო შურიმშინეშ შქას ჟირ-დაჩხირს შქას რე. 1986 წანას თიქ გჷნიღჷ ვართფერ ედომუშამი მენცარულ ფანტასტიკა „ქინ-ძა-ძა“.
დანელიაშ ფილმეფს დახე ირო მუკმორჩქინდუ თიშ ჩილი ლიუბოვ სოკოლოვა, ნამუთ გინესიშ წინგიშა რე მიშაჸონაფილი, არძაშე მიარერიცხუამი გინოღალეფით კინოშ ისტორიას, დო თაშნეშე თიშ მაჸალე ევგენი ლეონოვი. დანელიას ოკათე არტისტიშ წოდებაა მიაჩჷ 1990 წანას.
მოგვიანაფათ დანელია კინორეჟისორ გალინა იურკოვაშ იგურგინჷ; მუსხირენ ანიმაციურ პროექტის ოკათუდჷ დო რუსეთიშ კინოაკადემიაშით რინაშული მენაჭირჷნაფეფშო ოპატიე ჯილდო მეჩჷ.
გიორგი დანელიაქ 2019 წანაშ 4 პირელს, 88 წანაშ ხანს ღუეჷ, მოსკოვს.
ფილმოგრაფია
[რედაქტირაფა | წყუშ რედაქტირაფა]- სერიოჟა (1960)
- რზა ნიშმიორინწკჷმა (Путь к причалу) (1962)
- გილურქ მოსკოვიშ შოშეეფს (Я шагаю по Москве) (1963)
- 33 (1965)
- ვენარღა! (Не горюй) (1969)
- ჰეკლბერი ფინიშ დუდგინალეფი (Совсем пропащий; 1972)
- აფონია (Афоня) (1975)
- მიმინო (Мимино) (1977)
- დამორჩილიშ მარათონი (Осенний марафон) (1979)
- ჩელამურეფი ცენდჷ (Слёзы капали) (1982)
- ქინ-ძა-ძა (Кин-Дза-Дза) (1986)
- პასპორტი (Паспорт) (1990)
- ნასტია (Настя) (1993)
- არიოლი დო რეშკა (Орёл и решка) (1995)
- ფორტუნა (Фортуна) (2000)
- კუ! ქინ-ძა-ძა (2013)
რესურსეფი ინტერნეტის
[რედაქტირაფა | წყუშ რედაქტირაფა]- გიორგი დანელია — კინოფილმეფიშ ინტერნეტ მუნაჩემეფიშ ბაზას (ინგლისური)
- ბიოგრაფია, ფილმოგრაფია Archived 2005-10-23 ვებ-ხასჷლას Wayback Machine.