გიორგი სიჭინავა

გიორგი (გვანჯი) სიჭინა — ჭარუ დო ოჯარალუ მოღალე, აფხაზეთიშ აკოქიმინჯალური ინტელიგენციაშ გოსოფური წჷმმარინაფალი. ფართე რე თიში მოღალობაშ არეალი: პროზა, პოეზია, პუბლიცისტიკა. წანეფიშ განწხანს რედაქტორენდჷ აფხაზეთის გჷშმალ ჟურნალ „რიწას“. 1992-1993 წანეფც გაზეთ „აღდგომაშ“ რედაქტორი რე.

საქორთუოს მიმალი რეპრესიეფიშ გეშა მეურც ემიგრაციაშა; 1996 წანას ირთუ შურობუმუშა დო ორსხუანც ჟურნალი „აიას“, ნამუშ თარი რედაქტორი რე ამუდღარშახ.

გ. სიჭინას შხვადოშხვა ბორჯის გჷმობჟინაფილი აფუ თხობელუეფიშ კათელეფი: „დაბრუნება“, „სამი ცისფერი რგოლი“, „მოლოდინი“, რომანეფი: „გვირილების მინდორი“, „უთვისტომო“, ისტორიული რომანი „უტუ მიქა“ - ოთხი ტომო.