გლობულა
გლობულეფი, ბოკიშ გლობულეფი (ინგლ. Bok globule) — ჭიჭე, იზოლირებული რუმე ნირსეულეფი, ნამუეფი იკათუანა კოსმოსურ ნტვერს დო აირეფს. გლობულეფიშ დინახალე შილებე წიმიქიმინას მურიცხეფქ. გლობულეფი უმოსო იდვალუაფუნა H II რეგიონს დო თინეფიშ მასა დოხოლაფირო 2-50 ბჟაშ მასა რე. გლობულეფი იკათუანა ნოშქერბადიშ ოქსიდის, ჰელიუმს დო დოხოლაფირო 1 % სილიკატურ ნტვერს. მაართა მენცარი ნამუქჷთ გლობულეფს მიოგორუ რდჷ ნიდერლანდარი-ამერიკალი ასტრონომი ბარტ ბოკი. ბარტ ბოკიქ ედიტ რეილიწკჷმა ართო 1947 წანას გჷმაბჟინუ სტატია, სოდეთ ეთმოჭარუნდჷ გლობულეფს დო თინეფიშ გრავიტაციული კოლაფსიშ პროცესეფს. მენცარეფიშ აზრით ჸათე პროცესეფს მაჸუნუდ მურიცხეფიშ დო მურიცხეფიშ ბუნაშ ფორმაცია. ჸათე პერიოდიშო ბოკიშ დო რეილიშ თეორიაშ დანტკიცება ძნელი რდჷ, მარა უკულიან პერიოდეფს, გიშაკერზაფილო 1990-იან წანეფს, დენტკიცჷნ ნამდა გლობულეფიშ დინახალე მიშჷ მურიცხეფიშ ფორმაციაშ პროცესი. უკულიან პერიოდეფიშ რკვიებეფით დენტკიცჷნ თიქ ხოლო ნამდა მინი გლობულეფი შილებე იკათუანდას ჰერბიგ-აროშ ობიექტეფს ხოლო დო ნამთინე გლობულეფიშე გიშმეშას მოლეკულური აირეფი.
გალერეა
[რედაქტირაფა | წყუშ რედაქტირაფა]-
თეკერეიშ გლობულეფი H II რეგიონ IC 2944-ის -
გლობულეფი NGC 281 ნირსეულს -
Barnard 68-იშ გლობულეფი, უხოლაში გლობულეფი ნამუეფი იდვალუაფუნა 410 სინთეშ წანაშ მაშორას. თინეფიშ დიამეტრი 12,500 ასტრონომიული ართული რე (დოხოლაფირო 2 ტრილიონი კმ.)
