გნეუს პომპეუსი
| გნეუს პომპეუსი | |
| ლათ. Gnaeus Pompeius Magnus | |
_Pompey_the_Great,_Museo_Archeologico_Nazionale.jpg) პომპეუსიშ ბიუსტი | |
| მოღალობა |
პოლიტიკოსი, ოურდუმე მოღალე, კონსული (ჯვ.წ. 70, 55, 52) |
|---|---|
|
ბიოგრაფიული ჩინებეფი
| |
| დაბადებაშ თარიღი | |
| დაბადებაშ აბანი | |
| ღურაშ თარიღი | |
| ღურაშ აბანი |
პელუზიუმი, ეგვიპტე |
| ნთხორუაშ აბანი | |
| მენოღალობა | |
| მუმა | |
| ალმასქუ |
ანტისტია (ჯვ.წ. 86-82) |
| სქუალეფი | |
| ჯილდოეფი: |
3 ტრიუმფი |
გნეუს პომპეუს მაგნუსი (ლათ. Gnaeus Pompeius Magnus; დ. ჯვ. წ. 29 ეკენია, 106 — ღ. ჯვ. წ. 28 ეკენია, 48) — რომიშ რესპუბლიკაშ სახენწჷფო დო ოურდუმე მოღალე. დებადჷ დინდარი რომალეფიშ ფანიას. თიში მუმა რდჷ გნეუს პომპეუს სტრაბონი, გოლინიანი ოურდუმე დო პოლიტიკური მოღალე, ნამუთ ნინალენდჷ კონსულო ჯვ.წ. 89 წანას.
გნეუს პომპეუსი ახალნორდობაშე რდჷ სულაშ პროტეჟე. პომპეუსიქ პოპულარობა მიპალუ სულაშ ომენოღალე ლჷმაშ ბორჯის. სუმშა იჸუ გიშაგორილქ კონსულო ჯვ.წ. 70, 55 დო 52 წანეფს. ნინალენდჷ მანჯღვერთარო სერტორიანული, გლადიატორული, მითრიდატული ლჷმეფს დო შხვა ოურდუმე კამპანიეფს. მუჭოთ გომორძგვილი დო შანულამი მანჯღვერთარს სუმშა მუნწყის ტრიუმფი. ოურდუმე კამპანიეფს წჷმოძინეფიშ გეშა მიპალუ მეტჯოხო "მაგნუსი" — "დიდი".
ჯვ.წ. 60 წანაშე რდჷ პოლიტიკური ალიანსიშ მაართა ტრიუმვირატიშ მაკათური, იულიუს კეისარი დო მარკუს კრასუსიწკჷმა ართო. პომპეუსიქ ოსურო ქიმიჸონჷ იულიუსიშ ცირასქუა იულია. იულიაშ დო კრასუსიშ ღურაშ უკულ, პომპეუსიქ ქალუდირთჷ რომიშ სენატიშ კონსერვატორული ფრაქციას ოპტიმატეფს. მალას ქიდიჭყჷ ლჷმაქ ხეშულობაშო კეისარიშ დო პომპეუსიშ შქას. ჸათე კონფლიქტის კეისარიშ ომენოღალე ლჷმას უძახჷნა. ჯვ. წ. 48 წანას ფარსალოსიშ ლჷმას იულიუსიქ ორჯგინჷ პომპეუსიშ ლეგიონეფს. პომპეუსიქ პტოლემეეფიშ ეგვიპტეშა ინტუ, სოდეთ გეგთოჩეს დო დოჸვილეს.
ლიტერატურა[რედაქტირაფა | წყუშ რედაქტირაფა]
- Southern, P., Pompey the Great: Caesar's Friend and Foe, The History Press, 2003.
რესურსეფი ინტერნეტის[რედაქტირაფა | წყუშ რედაქტირაფა]
|
ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ. |