გულაგი

გულაგიშ დუნახუნეფი 1936-1937 წანეფს

გულაგი (რუს. ГУЛаг) – აკრონიმი Главное управление исправительно-трудовых лагерей и колоний, ხანდათ-გიშათინალი კარეეფიშ დო კოლონიეფიშ თარი ომაჯღვერალი. გულაგიშ ჯოხოთ ჩინებული რე სხუნუეფიშ ოსაჯებელი სისტემაშ ნორთი, სოდეთ დჷნახუნა კათა მითოხუნაწკჷმა ართო დანძალებურო არსულენდეს შხვადოშხვა (მუჭოთ წესი ფიზიკურ) სამუშას, შხირო მანგარ გლახა ვარდა მერეთ გლახა სიტუაციეფს.

1929 წანაშე 1953 წანას სტალინიშ ღურაშა, გულაგი მიკილჷ, სოდგარენ, 14 მილიონშა ადამიერქ. გულაგეფს ღურჷ 1,6 მილიონშა ადამიერქ. გულაგეფს დუნახუნეფიშ რიცხუშ დიდი ძინა რდჷ დიდი დაშიშებაშ ბორჯის, 1936-1938 წანეფს, დო მაჟირა მოსოფელიშ ლჷმაშ უკულიან ბორჯის. მაჟირა მოსოფელიშ ლჷმაშ უკული გულაგის გიორინეს მილიონშე უმოსი სხუნუეფიშ ჯარიშკოჩი, ნამუქჷთ თელო გინასკიდჷ ნაცისტეფიშ ოურდუმე ძალეფიშ კარეეფს. კარეეფს მითმარინეეფს აკოპოტიკელო ოდიარუანდეს, ხვალე მინიმალურ ომედიცინე მოხვარას არზენდეს, ვარზენდეს შხირი უტაროზობაშო უციო ბარგის, ვარდჷ თი ბორჯიშ ომუშებელი ანჯარეფი დო ხარხანეფი.

გულაგიშ დიხა ეკონომიკურ ოლუს უხუჯანდჷ. კარეეფიშ უმენტაშობას ოვალუდჷ კონკრეტული ეკონომიკური გასაჩინეშ რსულებას ინდუსტრიალიზაციაშ ხურგეფს - ჯა-ტყაშ ხორხუაშ, ობადის მუშობა დო ობუძოლარი პროექტეფიშ გედგჷმა.

1953 წანას სტალინიშ ღურაშ უკული, კომუნისტური სახენწჷფოქ გულაგიშ სისტემაშ დემონტაჟის მიაჸუნჷ. 1954 წანას დიჭყეს პოლიტიკური დუნახუნეფიშ გოტება. გულაგებიშ სისტემაქ გეუქვჷ 1960 წანას.