გუსტავ დალენი
| გუსტავ დალენი | |
| შვედ. Gustaf Dalén | |
 დალენი 1912 წანას | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
ქირსეთუთა 9, 1937 (68 წანერი) |
| ღურაშ აბანი: |
ლიდინგე, შვედეთი |
| მენოღალობა: | |
| ომენცარე სფერო: | |
| სამუშაშ აბანი : | |
| ალმა-მატერი: | |
| ჯილდოეფი დო პრემიეფი: |
ნობელიშ პრემია ფიზიკას (1912) |
| ხეშმოჭარუა: |
|
ნილს გუსტავ დალენი (შვედ. Nils Gustaf Dalén, დ. 30 გერგობათუთა, 1869 — ღ. 9 ქირსეთუთა, 1937) — შვედი ინჟინერი, გჷმმაგონებელი, ინდუსტრიალისტი, კომპანია AGA-შ დირექტორი. გიმიგონჷ მონწყილობა (ბჟაშ ვენტილი), ნამუთ ავტომატურო არეგულირენდჷ ჩართებაშ დო თიშუაშ მექანიზმის. ჸათე მექანიზმი გიმირინუაფჷ ოსინთუეფს, ბუიეფს. ჸათე გიმიგონებაშ გეშა, დალენიქ 1912 წანას მიპალუ ნობელიშ პრემია ფიზიკაშ დარგის.
დალენი გურაფულენდჷ ჩალმერსიშ ტექნოლოგიაშ უნივერსიტეტის, სოდეთ თხილუ ოდოქტორე დისერტაცია 1896 წანას. გურაფაშ თებაშ უკულ მუშენდჷ ტექნიკური გაზიშ კომპანია AGA AB-ს. 1909 წანაშე რდჷ კომპანიაშ დირექტორი. თიში მართუალაშ ბორჯის, AGA AB-ქ გინირთჷ შვედეთიშ ართ-ართი ინოვაციური დო წჷმოძინელი კომპანიათ. 1912 წანას, ართ-ართი ექსპერიმენტიშ მიმალობას, აცეტილენქ ეფეთქუ დო დალენიქ დეჸვერუ. უკულ, თეშ გეუფრაშჷ თიში სინთელექ, ნობელიშ პრემიაშ გინოჩამაშ ცერემონიაშა ხოლო ვალინჷ დუ მუში მანგიორო ჯიმა გოუტუ. სიჸვერეშ უმუჯინუო, დალენის მენცარული რკვიებეფი ვემუტებუ დო ვართ AGA AB-შ ოხემანჯღვერე პოსტიშე გინურინჷ. გუსტავ დალენიქ ღურუ 1937 წანაშ 9 ქირსეთუთას, 68 წანერქ.
ლიტერატურა
[რედაქტირაფა | წყუშ რედაქტირაფა]- ენციკლოპედია ბრიტანიკა
- დალენი Nobelprize.org-ის
- ბიოგრაფია AGA კორპორეიშენიშ ვებ-საიტის