დიდა ტერეზა

ვიკიპედია-შე
გეგნორთი: ნავიგაცია, გორუა
დიდა ტერეზა
ტერეზა კალკუტარი
MotherTeresa 094.jpg
დიდა ტერეზა გერმანიაშ ნოღა ბონს (1986 წანაშ 13 კვირკვეს)
1-ა “მისიონერული ჸოროფაშ დალეფიშ„ ორდენიშ გენერალური მათხილარი
1950 — 13 მელახი 1997
ინტრონიზაცია: 1 ფურთუთა 1965
ოხვამე: რომიშ კათოლიკური ოხვამე
მონძე: ნირმალა ჯოში
 
დაბადებაშ ჯოხო: ანეზა (აგნეს) გონჯა ბოიაჯიუ
ორიგინალი
დაბადებაშ ჯოხო:
ალბ. Agnes Gonxha Bojaxhiu;
დაბადება: 26 მარაშინათუთა, 1910
სკოპიე, კოსოვოშ ვილაიეთი, ოსმალეთიშ იმპერია (ასე მაკედონია)
ღურა: ეკენია 5, 1997 (87 წანერი)
კალკუტა, ინდოეთი
 
კანონიზებული რე: 2016 წანაშ 4 ეკენიას
წიმინდანიშ ტიტული: წიმინდე ტერეზა

დიდა ტერეზა თაშნეშე ნანა ტერეზა (ალბ. Agnes Gonxha Bojaxhiu; დ. 26 მარაშნათუთა, 1910 — ღ. 5 ეკენია, 1997) — ალბანარი კათოლიკე მალაზონი, ნამუქჷთ დარსხუ ორგანიზაცია „ჩეჟქიმინჯალაშ მისიონერეფი“ დო 1979 წანას ჰუმანიტარული საქვარუაშო ნობელიშ პრემიაშ ლაურეატო გჷნირთჷ. 40 წანაშ დუდი დუინალუ კალკუტაშ დაღარეფიშ, გითორციებულეფიშ დო ომბოლეფიშ მუკოლუაფას ინდოეთის.

მისიონერერეფიშ ორგანიზაციაშ ძინაწკჷმა ართო, თიში მაკათურეფი შხვადოშხვა ქიანას ხოლო იჭყანდეს ჩეჟქიმინჯალაშ საქვარუას დო უკვე 1970-იანი წანეფშო დიდა ტერეზაქ მოსოფელს ჩინებულო გჷნირთჷ ჰუმანიტარული საქვარუაშ დო დაღარეფიშ დო გითორციებულეფიშ მოხვარაშო. ღურაშ უკული რომიშ პაპი იოანე პავლე II-ქ თინა ნეტარო შერაცხჷ, 2016 წანას — პაპი ფრანცისკექ თინა წიმინდანო შერაცხჷ.

ჯილდოეფი[რედაქტირაფა | წყუშ რედაქტირაფა]

პრეზიდენტი რეიგანი დიდა ტერეზას დუდიშულაშ მენდალს გინმოჩანს. ცერემონია ჩე ჸუდეს მეურს.
  • ინდური ორდენი „ლოტოსიშ ოსურპატჷნი“
  • პავლე VI–ქ რომიშ პაპიშ იოანე XXIII–იშ ჯილდო გინოჩუ თინჩალაშ ნინალას გურგედვალირო ხანდაშო.(1976)
  • ნობელიშ პრემია (1979)
  • „დუდიშულაშ მენდალი“, მიიღო ააშ–შ პრეზიდენტშე, რონალდ რეიგანიშე.(1985)

დო შხვეფი.

შვენა[რედაქტირაფა | წყუშ რედაქტირაფა]

  • დიდა ტერეზაშ ჯოხოქ გიადჷ ალბანეთის შხუ საირქიანო აეროპორტის.
  • გინოღალირი რე დოკუმენტური ფილმი ჯოხოთ "დიდა ტერეზა" დო დოდგჷმილი რე მიუზიკლი.

ციტატეფი[რედაქტირაფა | წყუშ რედაქტირაფა]

დიდა ტერეზაშ მემორიალი ოდაბადე ნოღა სკოპიეს

– ადამიერეფი რუნგუეფი, ალოგიკურეფი დო ეგოისტეფი რენა; ვაუჭირს მუთუნი ქაპატით.

– თუ თქვა გაკეთით სიჯგირე დო კათაქ ქიგგაწამეს ნოფული პიჯული ღანკეფს-და; ვაუჭირს მუთუნი, აკეთით სიჯგირე.

– თუ თქვა ქიმიოჭირინეთ წჷმოძინას დო გამჷკოირჩქინდჷნა ტყურენჯი ომაჸალეეფი დო ნანდულ ნტერეფქ-და; ვაუჭირს მუთუნი, ქიმიოჭირინეთ წჷმოძინას.

– თუ თქვა პატიოსანი დო გურღილე ქორეთ დო კათაქ მუგაღორეს თქვა-და; ვაუჭირს მუთუნი, ორდათ პატიოსანი დო გურღილე.

– მუსჷთ თქვა წანობათ დჷთმოდგჷნდითჷნ, თიქ შილებე ართ წუთშა აკოცუასჷნ; ვაუჭირს მუთუნი, ქჷდოდგით.

– თუ თქვა მიაპლეთ ბედინერობა, შხვეფს ენჯარებუნა; ვაუჭირს მუთუნი, ორდათ ბედინერი.

– სიჯგირე, ნამუთ თქვა ამდღა აკეთითჷნ, კათა თის უკვე ჭუმე დიჭყოლიდუანს; ვაუჭირს მუთუნი, აკეთით სიჯგირე.

– ორდათ გიშაკერზაფილი კათაშე საუჯგუშო მუთ გიღჷნან თით, მარა თენა დღას ვეჸი დასაბაღი; ვაუჭირს მუთუნი, გაგჷშერთით თინეფშე თქვანი საუჯგუშოთ. საბოლოოთ მუსჷთ თქვა აკეთენთჷნ, კათა თის ვახვილჷ; თეს ხვალე თქვა დო ღორონთი ოხვილჷთ; იხვამით ართო დო უართგურეთ ხვალე.

„ჩქინო ვაარსებენს გინორთა ერუანებას, კანიშ ფერს, რელიგიას. არძა ადამიერი ჩქინო ღორონთიშ სქუა რე. არძა ინალუანს ჩქინ მოხვარას, არძო აკოქიმინელი რე, ნამჷ-და უჸორდას დო უჸორდანი. ჩეჟქიმინჯალა — თენა რე დიდი ნძალა, ნამუთ მითმურსხუანს დო აართაიანენს ადამიერეფს. ჩეჟქიმინჯალა აახოლენს დო ამაჸალენს. ხაველ ჩეჟქიმინჯალაშ შეულებუ ახარენს ირ შურიელს, თიშენ ნამჷ-და თე საქვარი ღორონთიშ ხეშე მოურს.“

„თქვა რეთ მატერიალურო უნარღელჸოფილი, თქვა გიღჷნა ირფელი თე ქიანას, მარა თქვანი გური წუხირით რე გოფშა. დუშვათ ტქვა ვაგანარღენა, თინა მუთ ვაგიღჷნან — უბრალოთ ქიმერთით ადამიერეფშა დო ქიდეკინით თინეფიშ ხე თქვან ხეს, გეგმოხანტით ჸოროფა. თქვა თუ თე რჩევას ქაჸუნუთ-და, თქვა იბარჩხალუდათ იჸუ მუჭოთ ოსინთუ.“

რესურსეფი ინტერნეტის[რედაქტირაფა | წყუშ რედაქტირაფა]