დიდი ჯუმაშხა

ვიკიპედია-შე
Jump to navigation Jump to search

დიდი ჯუმაშხანებაშ მარაშ ჯუმაშხა დღა. დაწესჷ ქირსიანულ ოხვამექ თიმ დღაშ ეიოშანალო, მუჟამსჷთ იუდაქ გუმოჩჷ მონძღვარი დო სინედრიონიშ მაკათურეფს მოხვარებას მოპიჩუ თიშ ჩინებაშო დო ჭოფუაშო, მუშ გეშა 30 ვარჩხილი მითხუ. თექ მოხვადჷ თიშ უკული, მუთ ქირსექ იერუსალიმიშ ოხიდაშე გეგნორაჸუ ვაჭარეფინ. თინწკჷმა პასექიშ დღახუ რდჷ დო მაჯოგე პაპათარეფქ მუთუნ ვაგაბედეს. მორწუმეეფიშ ულაშ უკული — იუდაშ შენწიებათ ოჭოფეს ქირსე დო ჯვარს მაცუნეს.