დინორეშა გინულა

ელიოტ კრესონიშ მენდალი

ვიკიპედიაშე
ელიოტ კრესონიშ მენდალი, ნამუქჷთ მიაჩჷ ემილ ბერლინერის, 1913 წანას

ელიოტ კრესონიშ მენდალი (ინგლ. Elliott Cresson Medal; თაშნეშე შინელი რე მუჭოთ Elliott Cresson Gold Medal, ელიოტ კრესონიშ ორქოშ მენდალი) რდჷ ფრანკლინიშ ინსტიტუტიშ უმაღალაში ჯილდო 1875-1997 წანეფს. ჯილდო გინმაჩამუდჷ ხელუანობეფიშ, მენცარობეფიშ დარგეფს მოხანდე ადამიერეფს, თაშნეშე კორპორაციეფს, ახალი გჷმოგონებაშ, შხვადოშხვა მეთოდიშ, ვარდა პროცესიშ ინოვაციური გაუჯგუშებაშ დო გოვითარაფაშ გეშა. ჯილდოქ დირსხუ 1848 წანას ამერიკალი ფილანთროპიშ ელიოტ კრესონიშ ფინანსური ხეშენწყუალათ. მაართა ლაურეატი რდჷ ამერიკალი სტომატოლოგი უილიამ გიბსონ არლინგტონ ბონუილი, ნამუსჷთ მენდალქ მიაჩჷ 1875 წანას, ელიოტ კრესონიშ ღურაშ 21 წანაშ უკული. ფრანკლინიშ ინსტიტუტი მენდალს გინოჩანდჷ 1998 წანაშა, უკულ რეორგანიზაციათ, შხვადოშხვა ჯილდოეფიშ გოართოიანაფათ, გიჭყჷ ბენჯამინ ფრანკლინიშ მენდალიშ ჯილდოქ. 1875-1997 წანეფიშ პერიოდის გინოჩამილი რე ელიოტ კრესონიშ 268 მენდალი.

რესურსეფი ინტერნეტის[რედაქტირაფა | წყუშ რედაქტირაფა]