ერნსტ კოენი
| ერნსტ კოენი | |
| ნიდერლ. Ernst Cohen | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
მელახი 6, 1944 (74 წანერი) |
| ღურაშ აბანი: | |
| მენოღალობა: | |
| ომენცარე სფერო: | |
| სამუშაშ აბანი : | |
| ალმა-მატერი: | |
| ომენცარე ხემანჯღვერი: | |
| ჯილდოეფი დო პრემიეფი: |
ომაფე ჯარალუაშ მაკათური (1926) |
ერნსტ იულიუს კოენი (ნიდერლ. Ernst Julius Cohen; დ. 7 მელახი, 1869, ამსტერდამი, ნიდერლანდეფი — ღ. 6 მელახი, 1944, ოსვენციმიშ ოკონცენტრაციე ბანაკი) — ნიდერლანდარი ქიმიკოსი. დებადჷ ნიდერლანდარი ურიეფიშ ფანიას. გურაფულენდჷ ქიმიას, სტოკჰოლმს, სვანტე არენიუსიშ ხემანჯღვერობათ, უკულ პარიზის, ანრი მუასანიშ ხემანჯღვერობათ დო უკულ ამსტერდამიშ უნივერსიტეტის, იაკობ ჰენდრიკ ვანტ-ჰოფიშ ხემანჯღვერობათ. გურაფაშ თებაშ უკულ მუშენდჷ ვანტ-ჰოფიშ ასისტენტო. 1902 წანაშე კოენი რდჷ უტრეხტიშ უნივერსიტეტის ფიზიკური ქიმიაშ პროფესორი. ერნსტ კოენი გურაფულენდჷ უმოსო ლითონეფიშ ალოტროპიას. გიმირკვიუ შხვადოშხვა ელემენტეფიშ დო კომპონენტეფიშ პოლიმორფიზმი, ფოტოგრაფიკული ქიმია, ელექტროქიმია. რე 400-შე უმოსი პუბლიკაციაშ, სტატიაშ, წინგიშ დო ლიტერატურული ნახანდეფიშ ავტორი. 1913 წანაშე, კოენი რდჷ ნიდერლანდეფიშ ხელუანობეფიშ დო მენცარობეფიშ ომაფე აკადემიაშ დო 1926 წანაშე ლონდონიშ ომაფე ჯარალუაშ მაკათური. მაჟირა მოსოფელიშ ლჷმაშ ბორჯის ერნსტ კოენი ოჭოფეს დო გეგნიჸონეს ოსვენციმიშ ოკონცენტრაციე კარეშა, სოდეთ დოჸვილეს 1944 წანაშ 6 მელახის.
ლიტერატურული ნახანდეფი[რედაქტირაფა | წყუშ რედაქტირაფა]
- "Jacobus Henricus van 't Hoff, his life and work", 1912
- "Impressions of the Land of Benjamin Franklin", 1928