|
თე ხასჷლა ვიკიპედიაშ ოფიციალური პოლიტიკაშ ნორთის წჷმარინუანს. თეშენ პიჯალა რსებენს რედაქტორეფს შქას დო თინა იკოროცხუ სტანდარტო, ნამუთ არძა მახვარებუქ ითხილუას ოკო. თე ხასჷლაშ რედაქტირაფაშ ბორჯის გითოლწონეთ, ნამჷ-და თქვან თირაფეფქ ვაკარღვას ოკო კონსენსუსი. შანულამი თირუაფეფი ქინახუნეთ სხუნუაშ ხასჷლას.
|
|
ზოგადი ინფორმაცია
- ვიკი-პროგრამა ირი მახვარებუს მიარზიენს ხასჷლაშ რედაქტირაფაშ, ფაილიშ ეხარგუაშ დო შხვა ღვენეფს. ადმინისტრატორიშ სტატუსიშ მეჩამაშ ნება უღჷნა ვიკიპედიაშ ბიუროკრატეფს. ადმინისტრატორეფი ვა რენა ომახვარებე პროგრამა ვიკიპედიაშ მემარზიებელიშ წჷმმარინაფალეფი ვარდა წორომოხანდეეფი. თინეფს ვაუღჷნა პრივილეგიური დგომარობა შხვა მახვარებუეფწკჷმა. ადმინისტრატორეფს დო შხვა მახვარებუეფს ხონარეფიშ წორწო მუდანობა უღჷნა.
- ადმინისტრატორეფი რენა ვიკიპედიარეფი, ნამუეფსჷთ უღჷნა ნებეფი დო გამამინჯალობეფი (sysop rights), ნამუეფსჷთ ორხველჷ:
- ხასჷლაშ ლასუა;
- ლასირი ხასჷლაშ დორთინა/აკოდგინუა;
- ხასჷლეფიშ თხილუა თიშა თირაფეფიშ მიშაღალაშე. თე ქიმინჯალა გჷმირინუაფუ, სამანგათ, ოსხუნალი სტატიეფს, თიშ გეშა ნამჷ-და, მანირზე განეფს ქიმიაჩას კომპრომისულ გინოჭყვიდირშა მეულაშ საშველი დო ნამჷ—და გაჩემებულქ იჸუას ვანდალიზმიქჷნ;
- ჯოხოეფიშ ოფირჩაშ მედიავიკიშ (MediaWiki) რედაქტირაფა;
- თი მახვარებუეფიშ IP მიოწურაფუეფიშ ბლოკირაფა, ნამუეფით ოწიუნა ვანდალიზმის ვარდა ვადმაჸუნჷნა ვიკიპედიაშ ხუთ დოჩინას.
მუს შანენს ადმინობა?
ტექნიკური
ვიკიშ პროგრამულ პაკეტის მუსხირენი გოხურგელი ფუნქცია უღუ. თინეფს შქას ადმინისტრატორს შეულებუ:
- ირნერი ხასჷლაშ ლასუა ვარდა კინ აკოდგინუა/დორთინაფა (ქძ. ვპ:ლასუა);
- ირნერი ხასჷლაშ თხილუა ვარდა თხილუაშ მონწყუმა, ედომუშამო თხილერი ხასჷლეფიშ რედაქტირაფა (ქძ. ვპ:თხილუა);
- მახვარებუეფიშ ვარდა IP-მიოწურაფუეფიშ ბლოკუა ვარდა ბლოკიშ მონწყუმა (ქძ. ვპ:ბლოკი);
- „მედიავიკიშ“ ჯოხოეფიშ ოფირცაშ (ინგლ.) დო მახვარებუშ პიჯული კონფიგურაციაშ რედაქტირაფა;
- ფაილეფშო ჯოხოეფიშ გჷნოთირუა;
- ბიწორი გოუქვაფა ანუ ხასჷლეფიშ კინოხიანი ვერსიაშა ბიწორი დორთინაფა.
ჯარალობური როლი
საარბიტრაჟე კომიტეტიშ გინოჭყვიდირეფიშ გოტარაფა
კომენტარი: მარგალურ ვიკიპედიას საარბიტრაჟე კომიტეტი დიოდღარო ვარე აკოქიმინელი.
ადმინისტრატორეფს ნება უღჷნა საარბიტრაჟე კომიტეტიშ გინოჭყვიდირეფიშ ნებაშ ჸოფა.
კონფლიქტეფი
დო ქოკოროცხჷნთ, ნამჷ-და ადმინისტრატორქ უსამარათლეთ ქემგექციეს თქვა ვარდა ირნერი შხვა რედაქტორს-და, დუდმაართაშე თქვანი მოარზაფა დიო პიჯულო თე ადმინისტრატორწკჷმა გჷმოთქუათ ოკო დო ქეცადათ პრობლემა რზიებათ გეგნოჭკირათჷნ. დო ოკითხირიშ გინოჭკირუა ჟირ განეფს შქას აკორაგადაფათ ვემიხუჯინ-და, ქჷმიარსხუათ ოკო ვიკიპედიაშ საარბიტრაჟე კომისიას.
