თოლიშ გვირზილი

ვიკიპედია-შე
Jump to navigation Jump to search
Disambig-dark.svg შხვა შანულობეფშო ქოძირით გვირზილი (მიარეშანულამი).
ნეირონიშ ტიპიური სტრუქტურა
HeLa cells stained with Hoechst 33258.jpg

თოლიშ გვირზილიეუკარიოტული თოლიშ თარი კომპონენტი. თეშ მოხ რდჷ ხვალე ჩანარეფიშ ტკიბირიშობური მილეფიშ თოლეფი დო ძუძუშმაწუალი ჩხოალრეფიშ ზისხირიშ ძინათებული ჭითა თოლეფი ვარ-და ერითროციტეფი რე.

ეჭარუა[რედაქტირაფა | წყუშ რედაქტირაფა]

თოლეფიშ უმენტაშობას ართი გვირზილი უღუ. რე ჟირ დო მიარეგვირზილამი თოლეფჷთ. სამანგათ, ჟირი გვირზილი უღუ ართგვირზილამ ჩხოლარს - ქალამანას დო ჩხონჩხიშ მინი თოლს, მიარეგვირზილამი კანკალე კუთამი თოლი. შხვადოშხვა ტიპიშ თოლეფიშ გვირზილი, თარო, რგვალი ვარ-და ოვალური რე, მორო, რე თოლეფი ვარჩქვანელობური ფორმაშ გვირზილჷთ - ზისხირიშ ჩე თოლეფი ანუ ლეიკოციტეფი.

გვირზილიშ თარი კომპონენტეფი რე:

  • გვირზილიშ დაცხი
  • გვირზილიშ წვენი
  • ქრომატინი
  • გვირზილა

გვირზილიშ დაცხი ჟირი მემბრანაშე აკმოდირთუ, თინეფშე ირს პლაზმური მემბრანაშ მოგვენი აკოგაფა უღუ. გვირზილიშ დაცხიშ მემბრანეფს შქას რე ინწრო ოფირჩა გვერდოთხითხუ ღვანდით აკოფშაფილი. გვირზილიშ დაცხიშ გალე მემბრანა უშქაშეთ ენდოპლაზმური ბადეშ მემბრანეფწკჷმა რე მერსხილი დო თიშ ჟინპიჯისჷთ რიბოსომეფი რე დვალირი. გვირზილიშ დაცხის მიარე მუდანობაშ ნაჩხვირთეფი, ანუ გვირზილიშ ფორეფი უღუ. თნეფიშ მეშქაშალათ მუთმოხვადუ შხვადოვა ღვანდიშ ციტოპლაზმაშე გვირზილშა გინულა დო მინი.

გვირზილიშ დინოხი აკოფშაფილი რე წვენით. თის რე ქრომატინი დო ართი ვარდ-და მუსხირენი გვირზილა. გვირზილიშ წვენიშ თარი ნორთი წყარი რე, ნამუსჷთ მიარე ქიმიური ღვანდი რე გონწყუმილი.

ქრომატინი გვირზილიშ შანულამი ნორთი რე. ზიტყვაზიტყვათ ქრომატინი მარგალურო ღაფილ მასალას შანენს დო მიოწურუანს თის, ნამჷ-და სინთეშ მიკროსკოპის გითანაკვერალო თოლეფიშ დამუშებაშ ბორჯის ქრომატინი ლექინას იღაფუ კვათირი ფერეფო. ქრომატინი აკმოდირთუ ართიანსგინოხართელი უჭიფაში ძაფეფშე. ირი ძაფიშ დიამეტრი 14 ნანომეტრი რე, სიგჷრძა — ართ მილიმეტრშე უმოსით შილებე ორდასინ. სინჯათლიშ მიკროსკოპის ქრომატინი, თარო, ჭიფე ლაწკარეფიშ სახეთ ჩქჷ.

ქრომატინი აკმოდირთუ დეზოქსირიბონუკლეინიშ ბჟეშ (დნბ) გჷრძე მოლეკულაშ დო თიწკჷმა მერსხილი ცილეფიშ მოლეკულეფშე.

წყუ[რედაქტირაფა | წყუშ რედაქტირაფა]

  • Goldman, Robert D. (2002). „Nuclear lamins: building blocks of nuclear architecture“. Genes & Dev. 16 (16): ხს. 533–547. DOI:10.1101/gad.960502. PMID 11877373. 
A review article about nuclear lamins, explaining their structure and various roles
A review article about nuclear transport, explains the principles of the mechanism, and the various transport pathways
A review article about the nucleus, explaining the structure of chromosomes within the organelle, and describing the nucleolus and other subnuclear bodies
A review article about the evolution of the nucleus, explaining a number of different theories
  • Pollard, Thomas D.; William C. Earnshaw (2004). Cell Biology. Philadelphia: Saunders. ISBN 0-7216-3360-9. 
A university level textbook focusing on cell biology. Contains information on nucleus structure and function, including nuclear transport, and subnuclear domains
Commons-logo.svg
ვიკიოწკარუეს? რე ხასჷლა თემაშენ: